بابا صدیقی قتل کیس: دوران تفتیش کئی انکشافات

ممبئی، 19اکتوبر (ایجنسیز)

بابا صدیقی کے قتل کی تحقیقات کے دوران ایک قاتل کے موبائل فون سے ذیشان صدیقی کی تصویر بھی ملی۔ پولیس ذرائع کے مطابق یہ تصویر ملزمان کے ساتھ ان کے ہینڈلر نے اسنیپ چیٹ ایپ کے ذریعے شیئر کی تھی۔ تفتیش سے معلوم ہوا کہ شوٹر اور سازش کرنے والے اسنیپ چیٹ کے ذریعے ایک دوسرے کو پیغامات بھیجتے تھے۔ لارنس گینگ کے ہینڈلر سے اسنیپ چیٹ پر موصول ہونے والی ہدایات کے بعد یہ پیغام حذف کر دیا گیا تھا۔ ساتھ ہی یہ بھی انکشاف ہوا ہے کہ پہلے ملزم نے بابا صدیقی کو قتل کرنے کے لیے ایک کروڑ روپے مانگے تھے۔

گرفتار ملزم رام کنوجیا نے پوچھ تاچھ کے دوران پولیس کو یہ بات بتائی۔بابا صدیقی قتل کیس میں جمعہ کو کرائم برانچ نے مزید 5 ملزمان کو گرفتار کیا تھا۔ ذرائع کے مطابق گرفتار ملزم رام کنوجیا نے بتایا کہ ابتدا میں شبھم لونکر نے اسے اور نتین سپرے کو بابا صدیقی کے قتل کا ٹھیکہ دیا تھا۔ رام قنوجیہ مہاراشٹر کا رہنے والا ہے، اسے اندازہ تھا کہ بابا صدیقی کو قتل کرنے کے بعد کیا ہوسکتا ہے، اس لیے اس نے یہ ٹھیکہ نہ لینے کا فیصلہ کیا۔پولیس ذرائع کے مطابق رام کنوجیا یہ ٹھیکہ نہیں لینا چاہتا تھا، اسی لیے اس نے بابا صدیقی کو مارنے کے لیے ایک کروڑ روپے کا مطالبہ کیا، جس کے بعد شبھم لونکر نے اپنا ارادہ بدل لیا۔ پولیس ذرائع کے مطابق رام کنوجیا اور نتن سپرے پیچھے ہٹ گئے، پھر شبھم نے یہ کام دھرم راج کشیپ، گرنیل سنگھ اور شیوکمار گوتم کو دیا۔

بابا صدیقی قتل کیس میں قتل کے وقت بابا صدیقی کے ساتھ موجود پولیس سیکیورٹی اہلکاروں کو معطل کردیا گیا ہے۔ دعویٰ کیا جارہا ہے کہ بابا صدیقی کی سیکیورٹی کے لیے تعینات کانسٹیبل نے اس وقت بابا صدیقی پر فائرنگ کرنے والے ملزمان کے خلاف کوئی کارروائی نہیں کی۔ اس وجہ سے کانسٹیبل کو معطل کر دیا گیا ہے۔ اس معاملے میں اندرونی تحقیقات بھی جاری ہیں۔ اسی دوران جب پہلی بار اس کانسٹیبل کا بیان ریکارڈ کیا گیا تو اس نے بتایا تھا کہ واقعہ کے وقت اس کی آنکھوں میں مرچ جیسی کیچڑ آگئی تھی جس کی وجہ سے وہ کچھ نہیں کر سکتا تھا۔