کرنی سینا نے لارنس بشنوئی کے سرپر پرکشش انعام کا کیا اعلان

نئی دہلی،22کتوبر (ایجنسیز )

جیل میں بند گینگسٹر لارنس بشنوئی کا نام مسلسل سرخیوں میں ہے۔ این سی پی لیڈر بابا صدیقی کے قتل اور بالی ووڈ اداکار سلمان خان کو جان سے مارنے کی دھمکی کے بعد خبروں میں ہے۔ تاہم اب کشتریہ کرنی سینا نے بشنوئی کے انکاؤنٹر پر بڑے انعام کا اعلان کیا ہے۔ تنظیم کے صدر راج شیخاوت نے لارنس بشنوئی کو قتل کرنے والے کسی بھی پولیس افسر کو 1,11,11,111 روپے (ایک کروڑ گیارہ لاکھ گیارہ ہزار گیارہ سو گیارہ) انعام دینے کا اعلان کیا ہے۔

خیال رہے کہ کرنی سینا کے سربراہ سکھ دیو سنگھ گوگامڈی کے قتل کیس میں بھی بشنوئی گینگ کا نام آیا تھا۔ کرنی سینا کے صدر راج شیخاوت کا ایک ویڈیو سامنے آیا ہے۔ اس میں وہ کھلے عام لارنس بشنوئی کا سامنا کرنے والے پولیس اہلکار کو 1,11,11,111 روپے دینے کا دعویٰ کر رہا ہے۔ اس نے کہا، کشتریہ کرنی سینا ہمارے لیڈر سکھ دیو سنگھ گوگامڈی کے قاتل لارنس بشنوئی کا مقابلہ کرنے والے پولیس اہلکار کو 1,11,11,111 روپے (ایک کروڑ گیارہ لاکھ گیارہ ہزار گیارہ سو گیارہ) روپے کا انعام دے گی۔

جی اس بہادر پولیس اہلکار کے اہل خانہ کی حفاظت اور مکمل انتظامات کو یقینی بنانا بھی ہماری ذمہ داری ہے۔ جئے ماں کرنی۔ لارنس بشنوئی اس وقت گجرات کی سابرمتی جیل میں منشیات اسمگلنگ کیس میں بند ہیں۔خیال رہے کہ اپریل میں ممبئی میں سلمان خان کے گھر گلیکسی کے باہر فائرنگ اور پھر این سی پی لیڈر بابا صدیقی کے قتل میں ان کا نام آیا تھا۔ سوشل میڈیا پر اپ لوڈ کی گئی ویڈیو میں کشتریہ کرنی سینا کے سربراہ نے کہا کہ لارنس بشنوئی ہمارے قیمتی جواہر اور وراثت کے لافانی شہید سکھ دیو سنگھ گوگامڈی جی کا قاتل ہے۔