حق کی صدا کے ساتھ ہوں تم کس کے ساتھ ہو

حق کی صدا کے ساتھ ہوں تم کس کے ساتھ ہو
میں باوفا کے ساتھ ہوں تم کس کے ساتھ ہو
دیدار جس کا ٹھہرا عبادت ہمیشہ ہی
میں خوش ادا کے ساتھ ہوں تم کس کے ساتھ ہو
جلوت کی طرح جس کی ہے خلوت حسین تر
اس رہنما کے ساتھ ہوں تم کس کے ساتھ
کردار صاف جس کا مثالی یہاں پہ ہے
اک با حیا کے ساتھ ہوں تم کس کے ساتھ
اخلاص سے سجائی ہے اس نے جو انجمن
حسن ادا کے ساتھ ہوں تم کس کے ساتھ
شام لہو جگر کا ہے ایا ہے رنگ تب
ایسی حناکے ساتھ ہوں تم کس کے ساتھ ہو
اسلاف کے حقیقی یہاں جانشین جو ہے
اس نقش پا کے ساتھ ہوں تم کس کے ساتھ
دامن امید کا نہیں چھوڑا کبھی جومیں
میں تو رجا کے ساتھ ہوں تم کس کے ساتھ
تم نا خدا کی بات ہمیشہ ہی کرتے ہو
ہر دم خدا کے ساتھ ہوں تم کس کے ساتھ ہو
منصور کی نوا کا یہاں ہم نوا ہوں میں
میں حق ندا کے ساتھ ہوں تم کس کے ساتھ ہو
مغضوب ہی زمانے کے ٹھہرے سدا ہی تم
سب کی دعا کے ساتھ ہوں تم کس کے ساتھ ہو
ایمان یقین کی یہ ضیا بڑھتی جائے گی
صفہ صفا کے ساتھ ہوں تم کس کے ساتھ ہو
جس میں نہ ضد عناد ہو الفت ہو بے پناہ
میں اقربا کے ساتھ ہوں تم کس کے ساتھ ہو
منحو س دہر ہے وہ ہے کذاب شہر بھی
میں دلربا کے ساتھ ہوں تم کس کے ساتھ ہو
مجرم کا ساتھ چھوڑ دے مخلص کو مت پرکھ
اس کی عطا کے ساتھ ہوں تم کس کے ساتھ ہو
زیباانہی کو ہے یہ خلافت بھی دوستو
کہ حق نما کے ساتھ ہوں تم کس کے ساتھ ہو
ظلمت کدوں سے اوب گیا ہوں بہت بہت
میں تو ضیا کے ساتھ ہوں تم کس کے ساتھ ہو
پر نور جس کا چہرہ ہے ماہر یہاں سدا
ایسی ضیا کے ساتھ ہوں تم کس کے ساتھ ہو