سپاکا پورا سچ سامنے آجائے تو یہ لوگ منہ دکھانے کے قابل نہیں رہیں گے: یوگی

ایودھیا، ۱۹؍ستمبر ( آئی این ایس انڈیا )

اتر پردیش کے وزیر اعلی یوگی آدتیہ ناتھ نے سماج وادی پارٹی پر سخت حملہ کیا ہے۔ یوگی نے کہا ہے کہ ایس پی حکومت کے دوران رام بھکتوں پر گولیاں چلائی گئیں۔ یوگی نے ایس پی لیڈروں کے بارے میں کہا کہ اگر ایس پی کا پورا سچ سامنے آجائے تو یہ لوگ منہ دکھانے کے قابل نہیں رہیں گے۔ آج ایودھیا کے ملکی پور میں ایک ہزار سے زیادہ مالیت کے 83 ترقیاتی پروجیکٹوں کے افتتاحی پروگرام کے بعد جلسہ عام سے خطاب کرتے ہوئے سی ایم یوگی نے ایس پی سربراہ اکھلیش یادو پر تنقید کی۔

اس دوران انہوں نے کہا کہ جب اتر پردیش میں سماج وادی پارٹی کی حکومت تھی تو ایس پی غریبوں کا کھانا لوٹتی تھی۔ زمینوں پر قبضہ کرتے تھے۔ لیکن آج جب ان لوگوں کیخلاف کارروائی کی جائے گی، تو اکھلیش یادو ضرور مشکل میں پڑ جائیں گے۔یوپی کو ملک کی ترقی کا گروتھ انجن بتاتے ہوئے سی ایم یوگی نے کہا کہ 2017 سے پہلے ایس پی حکومت ریاست کی ترقی میں رکاوٹ تھی۔ اس وقت مافیاز کی حکومت چل رہی تھی۔

10 بجے جب ایس پی کے والد بیدار ہوئے تب تک سب کا حصہ تقسیم ہو چکا تھا۔اکھلیش یادو کو نشانہ بناتے ہوئے یوگی نے کہا کہ آج کے دور میں ہر طرح کے جرائم میں مافیا ملوث ہیں۔ سب ایس پی کے چچا تھے۔ جو لوگ مافیا کے آگے ناک رگڑتے تھے۔ حال ہی میں اکھلیش یادو نے یوگی آدتیہ ناتھ کا نام لیے بغیر ان پر طنز کیا تھا اور کہا تھا کہ سرغنہ اور مافیا میں زیادہ فرق نہیں ہوتا۔ اس پر سی ایم یوگی نے ردعمل ظاہر کرتے ہوئے ملکی پور میں اپنے منصوبوں کو شمار کروایا۔ یوپی حکومت اور مرکزی حکومت کو ڈبل انجن والی حکومت بتاتے ہوئے انہوں نے اپنی تقریر کا آغاز جئے شری رام کے نعرے سے کیا۔