سعودی غوطہ خور جوڑے کی سمندر کی گہرائی میں منگنی
ریاض،13اکتوبر (ایجنسیز)
عرب میڈیا کے مطابق سعودی غوطہ خور جوڑے حسن ابو العلا اور یاسمین دفتر دار نے بحیرہ احمر میں سمندر کی گہرائی میں اپنی منگنی کی رسم ادا کی۔جوڑے نے منگنی کو یادگار اور منفرد بنانے کیلیے ایک زیرآب پلیٹ فارم پر ایک دوسرے کو انگوٹھیاں پہنائیں۔رپورٹ کے مطابق اس موقع پر ان کے دوستوں نے عرب روایات کے مطابق مخصوص انداز میں خوشی کا اظہار کیا۔سعودی جوڑے کی منفرد انداز میں منگنی کی وڈیو سوشل میڈیا پر وائرل ہے اور اس پر ملے جلے ردعمل کا اظہار کیا جا رہا ہے۔ خیال رہے کہ ماضی میںبھی کئی جوڑوں نے سمندر کی گہرائی میں جاکر منگنی کی رسم ادا کی ہے۔
