لڑکیاں کرتی تھیں فون، کہتی تھی : دوستی کروگے مجھ سے، پھر بیچ سڑک پر ہوتا تھا ’کھیل‘

نوئیڈا: آن لائن فرینڈشپ کلب کے نام پر لوگوں کو دوستی کا جھانسہ دے کر سنسان جگہ پر بلا کر لوٹ مار کرنے والے ایک گینگ کا انکشاف کیا گیا ہے۔ تھانہ سیکٹر-24 کی پولیس نے کارروائی کرتے ہوئے گینگ کے پانچ اراکین کو گرفتار کیا ہے جبکہ ایک نابالغ کو حراست میں لیا گیا ہے۔ پولیس نے ملزمین کے قبضے سے لوٹی گئی فورچونر گاڑی، واردات میں استعمال ہونے والی دو گاڑیاں اور ایک چاقو برآمد کیا ہے۔

پولیس نے تمام ملزمین کو کیا گرفتار

ایڈیشنل ڈی سی پی نوئیڈا منیشا سنگھ نے بتایا کہ مخبر کی اطلاع پر ہفتہ کے روز سیکٹر-54 واقع کھیل گاؤں پارک کے قریب گھیرا بندی کر کے ملزمین کو پکڑا گیا ہے۔ گرفتار ملزمین کی شناخت فیروز آباد کے اومویر یادو، مین پوری کے منجیش یادو، اوریہ کی ندھی یادو، فیروز آباد کی پرینکا یادو اور مین پوری کی کاجل عرف ریا یادو کے طور پر ہوئی ہے۔

کیسے کرتے تھے لوٹ مار

تفتیش میں ملزمین نے بتایا کہ انہوں نے ایک فرضی آن لائن فرینڈشپ کلب بنا رکھا تھا۔ آن لائن ذرائع سے لوگوں کے موبائل نمبرز حاصل کر کے ان سے دوستی کی جاتی تھی۔ پھر اعتماد حاصل کرنے کے بعد گاہک کو ملنے کے لیے دہلی، نوئیڈا یا این سی آر کے سنسان مقامات پر بلایا جاتا تھا۔ گروہ کے ارکان دو گاڑیوں میں موقع پر پہنچتے تھے۔ پہلی گاڑی میں ایک خاتون اور دو سے تین ساتھی ہوتے تھے، جبکہ دوسری گاڑی کچھ فاصلے پر کھڑی رہتی تھی۔ پھر خاتون گاہک کو اپنی گاڑی میں بٹھا کر بات چیت کے بہانے سنسان جگہ پر لے جاتی تھی۔ اس کے بعد گروہ کے دیگر اراکین وہاں پہنچ کر مارپیٹ اور دھمکی دے کر نقدی، موبائل، گاڑی اور دیگر قیمتی سامان لوٹ لیتے تھے۔

ملزمین سے پولیس تفتیش کر رہی ہے

پولیس نے بتایا کہ واردات کے وقت سوئفٹ کار میں اومویر یادو، منجیش یادو، ندھی یادو اور دیگر ساتھی موجود تھے، جبکہ آورا کار میں جیتو یادو، ریشو یادو، پرینکا یادو، کاجل عرف ریا یادو اور دیگر اراکین کچھ فاصلے پر کھڑے رہ کر نگرانی کرتے تھے۔ واردات مکمل ہوتے ہی دونوں گاڑیاں مختلف راستوں سے فرار ہو جاتی تھیں تاکہ پولیس کو ان کی سرگرمیوں کا پتہ نہ چل سکے۔ ملزمین سے پوچھ گچھ کی جا رہی ہے کہ آیا انہوں نے اس سے پہلے بھی شہر میں کوئی واردات انجام دی ہے یا نہیں۔

نیوز18اردو ہندوستان میں اردو کی سب سے بڑی نیوز ویب سائٹس میں سے ایک ہے۔ برائے مہربانی ہمارے واٹس چینل کو لائیو، تازہ ترین خبروں اور ویڈیوز کے لئے فالو کریں۔آپ ہماری ویب سائٹ پر خبروں، تصاویر اور خیالات کے ساتھ ساتھ انٹرٹینمنٹ، کرکٹ جیسے کھیلوں اور لائف اسٹائل سے منسلک مواد دیکھ سکتے ہیں۔ آپ ہمیں، ایکس، فیس بک، انسٹاگرام، تھریڈز،شیئرچیٹ، ڈیلی ہنٹ جیسے ایپس پر بھی فالوکرسکتے ہیں۔