01
مدھیہ پردیش کے گوالیار سے ایک ایسا معاملہ سامنے آیا ہے، جس نے سب کو حیران کر دیا ہے۔ یونیورسٹی تھانہ علاقے کے سندھیا نگر میں رہنے والے جتیندر جوشی کی شادی مرینا ضلع کے جھونڈپورہ کی رہنے والی نمرتا جوشی سے طے ہوئی تھی۔ 28 جون کو بارات بینڈ باجے کے ساتھ مرینا پہنچی۔ ہندو رسم و رواج کے مطابق شادی ہوئی۔ 29 جون کی دوپہر رخصتی ہوئی اور دلہن کو لے کر بارات واپس گوالیار آ گئی۔ گھر پر نئی نویلی دلہن کا استقبال کیا گیا۔ سب خوش تھے، لیکن کسی کو اندازہ نہیں تھا کہ دلہن رات بھر کی مہمان بن کر صبح فرار ہو جائے گی۔