بحیرہ احمر میں حملے کے بعد ہندوستانی پرچم والا جہاز ڈوب گیا، 13 ہندوستانی ملاحوں کو بچا لیا گیا
دہلی،5اگسٹ( ایجنسیز)
منگل کو ایک ہندوستانی پرچم والا مال بردار جہاز یمن کے مغربی ساحل کے قریب بحیرہ احمر میں اُلٹ گیا اور ڈوب گیا جب اس پر منگل کو ایک پروجیکٹائل سے حملہ کیا گیا۔ جہاز پر عملے کے 14 ارکان سوار تھے جن میں سے 13 ہندوستانی ملاح اور ایک یمنی تھا۔ تمام 14 ملاحوں کو یمنی فورسز نے بچا لیا اور انہیں طبی امداد فراہم کی گئی ہے۔
ایم ایس وی فیض نور اولیا نامی جہاز پر حوثیوں کے زیر قبضہ بندرگاہی شہر حدیدہ سے 13 ناٹیکل میل جنوب میں حملہ کیا گیا۔
یمنی قومی مزاحمتی فورس، جسے گارڈز آف ریپبلک بھی کہا جاتا ہے، نے ایک بیان میں کہا کہ ساحلی محافظوں اور بحری یونٹوں نے ملاحوں کو بچانے کے لیے مشترکہ آپریشن کیا۔
بھارت نے "بلا اشتعال” حملے کی مذمت کی۔
ہندوستان نے ایک بیان میں یمنی پانیوں کے قریب جہاز پر "بلا اشتعال” حملے کی شدید مذمت کی ہے۔
بندرگاہوں، جہاز رانی اور آبی گزرگاہوں کے مرکزی وزیر سربانند سونووال نے کہا کہ ہندوستانی جہاز ایک پراجیکٹائل سے ٹکرا گیا جس کی وجہ سے جہاز الٹ گیا اور ڈوب گیا۔
By Maqsood
