ملک کی نمبر ون طاقتور خاتون بنیں نیتا امبانی ، کرو ڑوں لوگوں کی زندگیاں بدلنے کے لیے اعزاز سے نوازا گیا

پروگرام نے ملک بھر کی ان خواتین کو اعزاز سے نوازا جنہوں نے اپنے متعلقہ شعبوں میں اپنے شاندار کام سے خود کو ممتاز کیا ہے۔ ریلائنس فاؤنڈیشن کی چیئرپرسن نیتا امبانی باوقار فہرست میں ٹاپ پر ر ہیں۔ ایچ سی ایل ٹیکنالوجی کی چیئرپرسن روشنی ناڈر ملہوترا دوسرے نمبر پر آئیں، جبکہ اپولو ہاسپٹلس کی ریڈی بہنیں- شوبھنا کامینی، سنگیتا ریڈی، پریتھا ریڈی، اور سنیتا ریڈی نے تیسری پوزیشن حاصل کی۔ ان تمام خواتین نے اپنی قیادت اور کام کے ذریعے مختلف شعبوں میں مضبوط شناخت قائم کی ہے۔

تقریب میں، RPSG گروپ کے وائس چیئرمین شاشوت گوینکا نے خواتین کے تعاون کی تعریف کرتے ہوئے کہا کہ حقیقی قیادت نہ صرف کامیابی حاصل کرنے میں ہے بلکہ دوسروں کے لیے نئے مواقع پیدا کرنے میں بھی مضمر ہے۔ انہوں نے کہا کہ آج بہت سی خواتین ان شعبوں میں اپنی شناخت بنا رہی ہیں جہاں کبھی مواقع محدود تھے۔ انہوں نے ان خواتین کو تبدیلی کی حقیقی قوتیں قرار دیتے ہوئے کہا کہ ان کے کام نے بہت سے لوگوں کو آگے بڑھنے کی ترغیب دی ہے۔

شاشوت گوئنکا نے اپنے خاندان کی خواتین کا بھی ذکر کیا۔ انہوں نے اپنی والدہ پریتی گوئنکا، اہلیہ شیوکا گوئنکا اور بہن اوورنا جین کے تعاون کی تعریف کرتے ہوئے کہاکہ انہوں نے خاندانی ذمہ داریوں کو نبھاتے ہوئے سماجی اور کاروباری اداروں کو مضبوط بنانے میں اہم کردار ادا کیا ہے۔ انہوں نے اپنی دونوں بیٹیوں کے مستقبل میں بھی ایسی متاثر کن خواتین کی صف میں شامل ہونے کی خواہش کا اظہار کیا۔

اعزاز حاصل کرنے کے بعد نیتا امبانی نے کہا کہ ان کے لیے قیادت کا مطلب نہ صرف ترقی کرنا ہے بلکہ دوسروں کو بھی ترقی کے مواقع فراہم کرنا ہے۔ انہوں نے مزید کہا کہ معاشرے میں ہمدردی، حساسیت، مساوات اور احترام جیسی اقدار کو فروغ دینا بھی قیادت کا ایک اہم حصہ ہے۔ انہوں نے بتایا کہ ریلائنس فاؤنڈیشن اپنے مختلف سماجی اقدامات کے ذریعے 10 کروڑ سے زیادہ لوگوں تک پہنچی ہے۔ انہوں نے اس بات پر بھی زور دیا کہ اگر بیٹیوں اور خواتین کو تعلیم، مواقع اور خود انحصاری کے مواقع فراہم کیے جائیں تو ملک کی ترقی میں تیزی آئے گی۔

تقریب کے مہمان خصوصی مہاراشٹر کے گورنر جشنو دیو ورما نے کہا کہ خواتین کی مساوی شرکت کے بغیر ترقی یافتہ ہندوستان کا خواب پورا نہیں ہو سکتا۔ انہوں نے مزید کہا کہ ملک کی نصف آبادی کو آگے بڑھائے بغیر جامع ترقی ناممکن ہے۔ انہوں نے خواتین کاروباریوں، سیلف ہیلپ گروپس اور مالیاتی بااختیار بنانے کو ہندوستان کی اقتصادی ترقی کی بنیاد قرار دیا۔

نیوز18اردو ہندوستان میں اردو کی سب سے بڑی نیوز ویب سائٹس میں سے ایک ہے۔ برائے مہربانی ہمارے واٹس چینل کو لائیو، تازہ ترین خبروں اور ویڈیوز کے لئے فالو کریں۔آپ ہماری ویب سائٹ پر خبروں، تصاویر اور خیالات کے ساتھ ساتھ انٹرٹینمنٹ، کرکٹ جیسے کھیلوں اور لائف اسٹائل سے منسلک مواد دیکھ سکتے ہیں۔ آپ ہمیں، ایکس، فیس بک، انسٹاگرام، تھریڈز،شیئرچیٹ، ڈیلی ہنٹ جیسے ایپس پر بھی فالوکرسکتے ہیں۔