یوپی کی 9 اسمبلی سیٹوں پر ضمنی انتخاب کی تاریخ کا اعلان، ملکی پور میں الیکشن ملتوی

نئی دہلی ،15اکتوبر (ایجنسیز) ˜

اتر پردیش کی 9 اسمبلی سیٹوں کے ضمنی انتخابات کی تاریخوں کا اعلان کر دیا گیا ہے۔ الیکشن کمیشن نے پریس کانفرنس میں یہ جانکاری دی۔ الیکشن کمشنر راجیو کمار نے کہا کہ یوپی ضمنی انتخاب کی 9 سیٹوں پر 13 نومبر کو ووٹنگ ہوگی۔ جبکہ ان کے نتائج کا اعلان 23 نومبر کو کیا جائے گا۔ فی الحال ملکی پور سیٹ پر الیکشن ملتوی کر دیا گیا ہے۔اترپردیش کی جن سیٹوں پر ضمنی انتخابات ہوں گے ان میں کٹہاری (امبیڈکر نگر)، کرہل (مین پوری)، میراپور (مظفر نگر)، غازی آباد، ماجھوان (مرزا پور)، سیسماو? (کانپور سٹی)، خیر (علی گڑھ)، پھول پور (پریاگ راج) شامل ہیں۔) اور کنڑکی (مراد آباد) شامل ہیں۔سماج وادی پارٹی نے انڈیا الائنس سے 6 سیٹوں پر امیدواروں کا اعلان کر دیا ہے۔

پارٹی نے کرہل سے تیج پرتاپ یادو، سابق ایم ایل اے عرفان سولنکی کی اہلیہ نسیم سولنکی کو سیسماو? سے اور لال جی ورما کی اہلیہ شوبھاوتی ورما کو کٹہاری سے امیدوار بنایا ہے۔ اجیت پرساد کو ملکی پور سے ٹکٹ دیا گیا ہے، وہ سماجوادی پارٹی کے رکن پارلیمنٹ اودھیش پرساد کے بیٹے ہیں۔ اس کے علاوہ پھول پور سے مصطفیٰ صدیقی اور ماجھون سے جیوتی بند کو ٹکٹ دیا گیا ہے۔بی ایس پی سربراہ مایاوتی نے بھی یوپی ضمنی انتخابات کے پیش نظر امیدواروں کے ناموں کا اعلان کردیا ہے۔ بی ایس پی نے 5 سیٹوں کے لیے امیدواروں کا اعلان کیا ہے۔ اس میں بی ایس پی نے میراپور سے شہنازر، ملکی پور سے رام گوپال، ماجھوان سے دیپو تیواری، کٹہاری سے امت ورما اور پھول پور سے شیوبرن پاسی کو امیدوار بنایا ہے۔

ضمنی انتخاب میں بی جے پی 10 میں سے 9 سیٹوں پر امیدوار کھڑے کرے گی۔ بی جے پی نے راشٹریہ لوک دل کے لیے میراپور کی ایک سیٹ چھوڑی ہے۔ بی جے پی نے بھلے ہی ضمنی انتخابات کے لیے امیدواروں کا اعلان نہ کیا ہو، لیکن ذرائع کے مطابق ان سیٹوں کے لیے امیدواروں کے ناموں کو تقریباً فائنل کر لیا گیا ہے۔اتر پردیش سے 9 ایم ایل اے ایسے ہیں جو لوک سبھا میں بطور ممبر پارلیمنٹ پہنچے ہیں۔ جس کی وجہ سے یہ نشستیں خالی ہوئی ہیں۔

وہیں کانپور کے سیسامئو سماجوادی پارٹی کے ایم ایل اے عرفان سولنکی کی رکن اسمبلی سے متعلق رکنیت منسوخ ہونے سے ایک سیٹ خالی ہوئی ہے۔ 2022 کے اسمبلی انتخابات میں، سیسامئو، کٹہاری، کرہل، ملکی پور اور کنڈرکی پہلے ایس پی کے پاس تھے، جب کہ پچھلے انتخابات میں بی جے پی نے پھول پور، غازی آباد، ماجھون اور کھیر میں کامیابی حاصل کی تھی۔ میراپور سیٹ راشٹریہ لوک دل کے پاس تھی۔