اکاسا ایئر کی پرواز کو بم سے اڑانے کی دھمکی

اکاسا ایئر کی پرواز کو بم سے اڑانے کی دھمکی

نئی دہلی،16اکتوبر (ایجنسیز)

دہلی سے بنگلور جانے والی اکاسا ایئر کی پرواز پر بم کی دھمکی ملی ہے۔ اس کی وجہ سے اندرا گاندھی بین الاقوامی ہوائی اڈے سے اڑان بھرنے والی پرواز فوراً واپس دہلی لوٹ گئی۔ پرواز میں 184 افراد سوار تھے۔ آکاسا ایئر نے ایک بیان میں کہا کہ فلائٹ 1335کیو پی کو دوپہر 2 بجے دہلی ہوائی اڈے پر اترنے کی ہدایت دی گئی تھی۔اکاسا ایئر کے ترجمان نے کہا ہے کہ اکاسا ایئر کی پرواز کیو پی 1335، جس نے 16 اکتوبر 2024 کو دہلی سے بنگلورو کے لیے اڑان بھری تھی اور اس میں 174 مسافر، 3 شیر خوار بچے اور عملے کے 7 ارکان سوار تھے، کو سیکیورٹی الرٹ موصول ہوا تھا۔

اکاسا ایئر کی ایمرجنسی رسپانس ٹیمیں صورتحال پر نظر رکھے ہوئے ہیں۔ایئر لائن نے پائلٹ سے کہا کہ وہ ہوائی جہاز کو انتہائی احتیاط کے ساتھ دہلی کے اندرا گاندھی بین الاقوامی ہوائی اڈے پر لے جائے۔ کیپٹن دہلی میں محفوظ لینڈنگ کے لیے تمام ضروری ہنگامی طریقہ کار پر عمل کر رہے ہیں اور پہنچنے کا تخمینہ وقت تقریباً 2 بجے تھا۔

اس معاملے میں فلائٹ کو دہلی میں اترنے کے بعد دہلی پولیس نے اپنی تحویل میں لے لیا ہے۔ دہلی پولیس نے کہا کہ دہلی سے بنگلورو جانے والی اکاسا ایئر کی پرواز پر بم کے خطرے سے متعلق سیکورٹی الرٹ موصول ہوا تھا۔ معیاری حفاظتی پروٹوکول کے بعد، ہوائی جہاز کو فوری طور پر دہلی کے آئی جے آئی ہوائی اڈے پر واپس لایا گیا، جہاں یہ بحفاظت اتر گیا۔