مندروں پر نصب لاؤڈ اسپیکر خلل پیدا کرتے ہیں: آئی اے ایس شیل بابا مارٹن

نئی دہلی ،22کتوبر (ایجنسیز)

ان دنوں مدھیہ پردیش میں مندروں میں لاؤڈا سپیکر بجانے کے حوالے سے گرما گرم بحث جاری ہے۔ ایک خاتون آئی اے ایس افسر کے ٹویٹ کے بعد اس معاملے میں تنازع مزید گہرا ہو گیا ہے۔ شیل بابا مارٹن نے سوشل میڈیا پلیٹ فارم ایکس پر مندروں پر نصب لاؤڈا سپیکر کے حوالے سے سوالات اٹھائے۔ ان کے بیان پر ہندو تنظیموں نے ناراضگی ظاہر کی ہے اور کانگریس نے کہا کہ آئی اے ایس آفیسر شیل بالا مارٹن نے صحیح سوال اٹھایا ہے۔شیل بابا مارٹن نے سوشل میڈیا پلیٹ فارم ایکس پر پوسٹ کیا ہے کہ مندروں پر نصب لا ؤڈاسپیکر کئی گلیوں کے فاصلے پر اسپیکرز کے ذریعے صوتی آلودگی پھیلاتے ہیں۔

ان کا کہنا تھا کہ یہ اسپیکر آدھی رات تک چلتے ہیں۔ یہ سب انہوں نے ایک پوسٹ ری پوسٹ کرتے ہوئے لکھا ہے۔ ہندو تنظیموں نے اس پر ناراضگی کا اظہار کیا ہے۔ہندوتوا تنظیم سنسکرت بچاؤ منچ کے سربراہ چندر شیکھر تیواری نے آئی اے ایس افسر کے پوسٹ کو ناپسند کیا اور کہا کہ وہ افسر کے خلاف احتجاج کریں گے۔ انہوں نے کہا کہ مندروں میں آرتی اور منتروں کو آواز میں پڑھا جاتا ہے نہ کہ لاؤڈا سپیکر پر اذان کی طرح 5 بار۔ اتنا ہی نہیں انہوں نے آئی اے ایس افسر سے بھی پوچھ گچھ کی ہے۔

انہوں نے سوال کیا کہ کیا محرم کے جلوس میں کسی نے پتھراؤ دیکھا ہے؟ہندوؤں کے جلوس پر پتھراؤ کیا جا رہا ہے اور کسی کو ہندو مذہب کے جذبات کو ٹھیس پہنچانے کا حق نہیں ہے۔ اس دوران کانگریس کے ترجمان عباس حفیظ نے کہا کہ آئی اے ایس آفیسر شیل بالا مارٹن نے صحیح سوال اٹھایا ہے۔ افسر کی حمایت کرتے ہوئے انہوں نے کہا کہ بھارتیہ جنتا پارٹی حکومت کے خلاف کارروائی سیاسی طور پر محرک ہے۔مدھیہ پردیش کی رہنے والی شیل بالا مارٹن 9 اپریل 1965 کو پیدا ہوئیں۔

ریاستی حکومت کی ویب سائٹ کے مطابق، اس نے 12 جون 2017 کو آئی اے ایس میں ترقی پانے سے پہلے ریاستی سول سروس میں اپنے کیریئر کا آغاز کیا۔ مارٹن نے ہولکر سائنس کالج اندور سے آرٹس میں بی اے اور ایم اے کرنے کے بعد 2009 میں ریاستی سول سروس میں شمولیت اختیار کی۔ اپنے پورے کیریئر کے دوران، مارٹن نے محکمہ صحت میں کئی عہدوں پر فائز رہیں، جن میں 2014 میں برہان پور کے میونسپل کمشنر اور اسی سال نیواری ضلع کے کلکٹر شامل ہیں۔ 25 جنوری 2022 سے وہ محکمہ جی اے ڈی میں ایڈیشنل سیکرٹری کے طور پر کام کر رہی ہیں۔