19/ جون قومی یومِ مطالعہ. لائبریری تحریک کے محرک پی این پنیکر کی یاد منایا جاتا ہے "نیشنل ریڈنگ ڈے

19/ جون قومی یومِ مطالعہ.
لائبریری تحریک کے محرک پی این پنیکر کی یاد منایا جاتا ہے "نیشنل ریڈنگ ڈے
ڈاکٹر اے پی جے عبدالکلام محلہ لائبریری میں منایا گیا "قومی یومِ مطالعہ”
بچوں میں تقسیم کی گئی کتابیں

اورنگ آباد 19 /جون

بھارت میں لائبریری تحریک کے محرک پی این پنیکر کی یاد میں ہر سال 19 /جون *قومی یومِ مطالعہ* کے طور پر منایا جاتا ہے.. شہر میں جاری مریم مرزا محلہ لائبریری تحریک کے ذریعے جاری ڈاکٹر اے پی جے عبدالکلام محلہ لائبریری بائجی پورہ گلی نمبر 20 میں آج صبح الہدی اردو ہائی اسکول اورنگ آباد آباد کے طلباء نے *قومی یومِ مطالعہ* اور یاد کیا بھارت میں لائبریری تحریک کے محرک *پی این پنیکر* کی خدمات اور کارناموں کو یاد کیا گیا..
اس موقع پر پر ریڈ اینڈ لیڈ فاؤنڈیشن کے صدر مرزا عبدالقیوم ندوی نے طلباء کی رہنمائی کرتے ہوئے آج کے دن کی اہمیت کو اجاگر کیا اور بتایا کہ کیسے ایک شخص کیرالہ کے ایک چھوٹے سے دیہات سے ایک تحریک شروع کرتا ہے اور وہ تحریک پورے ملک میں پھیل جاتی ہے.. جس کے تحت سینکڑوں لائبریریوں کا جال پھیل جاتا ہے…
مرزا ابوالحسن علی نے اس موقع پر مشہور و معروف مصنف P. T NAIR (پرمیشورن تھنکپن جن کا گزشتہ دنوں کلکتہ میں 91 سال کی عمر میں انتقال ہوگیا ہے ان کی زندگی، کارنامے اور تصنیفات کے بارے میں بتایا.
پی این پنیکر کی تحریک سے متاثر ہو کر اورنگ آباد اقراء اردو گرلس ہائی اسکول کی دسویں جماعت کی طالبہ مرزا مریم نے اپنی ذاتی تین سو کتابوں سے گلی محلے کے بچوں کے لیے شہر کی پہلی بچوں کی لائبریری بھارت رتن ڈاکٹر اے پی جے عبدالکلام محلہ لائبریری کے نام سے شروع کی تھی جو ایک سال کے قلیل مدت میں36 ہوگئیں ہیں..
الہدی ہائی اسکول کی صدر معلمہ شیخ نرگس فاطمہ نے کہا کہ ہمارے لیے بڑی خوشی کی بات ہے کہ ہمارے اسکول سے قریب ہی بچوں کی لائبریری قائم کی گئی ہے جس سے کثیر تعداد میں اسکول کے طلباء و طالبات استفادہ کرتے ہیں.
پروگرام کو کامیاب بنانے میں اسکول کی معلمہ سیدہ نسرین قادری، مرزا ابو الحسن علی، نشاط ترنم مریم مرزا نے حصہ لیا.