Skip to content
اسلام آبادسمیت مختلف شہروں میں زلزلے کے جھٹکے
اسلام آباد،20جون ( آئی این ایس انڈیا )
اسلام آباد سمیت خیبرپختونخوا کے کئی علاقے زلزلے سے لرز اٹھے جبکہ ریختر سکیل پر اس کی شدت 4.7 ریکارڈ کی گئی۔میڈیا رپورٹس کے مطابق زلزلے کے جھٹکے پشاور، مردان، نوشہرہ، شمالی وزیرستان، ملاکنڈ, پاراچنار، لوئر دیر، ہنگو اور گرد ونواح میں بھی محسوس کیے گئے۔ اس کے علاوہ چارسدہ اور صوابی میں بھی زلزلے کے جھٹکے محسوس کیے گئے۔مانسہرہ اور ہزارہ ڈویژن کے دیگر علاقوں میں بھی زلزلے کے جھٹکے محسوس کیے گئے، زلزلے کے خوف سے لوگ گھروں سے باہر نکل آئے۔
زلزلہ پیما مرکز کے حکام کا کہنا ہے کہ پشاور سمیت خیبرپختونخوا کے مختلف علاقوں میں زلزلے جھٹکے محسوس کیے گئے، زلزلے کا مرکز کوہ ہندوکش میں 187 کلومیٹر کی گہرائی میں تھا۔یاد رہے کہ اس سے قبل آٹھ جون 2024 کو سوات، مینگورہ اور اطراف میں زلزلے کے جھٹکے محسوس کیے گئے تھے۔دو مئی کو سندھ کے دارالحکومت کراچی کے مختلف علاقوں میں زلزلے کے جھٹکے محسوس کیے گئے تھے۔
Like this:
Like Loading...
