ایودھیا رام مندر کو بم سے اڑانے کی ملی مبینہ دھمکی،سیکورٹی سخت
ایودھیا،12نومبر (ایجنسیز)
ایودھیا میں شری رام جنم بھومی مندر کو آر ڈی ایکس سے اڑانے اور بابری مسجد کی تعمیر کی دھمکیاں موصول ہوئی ہیں۔ اس معاملے کی جانچ کر رہے انسپکٹر رجنیش کمار پانڈے کو عدالت نے طلب کیا ہے۔ ایڈیشنل سیشن جج اشوک کمار دوبے نے یہ حکم جیل میں نظر بند ملزم محمد امان کی درخواست ضمانت پر سماعت کے دوران دیا ہے۔ عدالت نے واقعہ کی تحقیقات کرنے والے سب انسپکٹر رجنیش کمار پانڈے کو اصل کیس ڈائری اور اس کے تمام فارم کے ساتھ 11 نومبر کو عدالت میں حاضر ہونے کا حکم دیا ہے۔
استغاثہ کے مطابق 22 اگست 2024 کو شام 6 بجے رام جنم بھومی تیرتھ کھیترا ٹرسٹ کے ہیلپ ڈیسک نمبر سے واٹس ایپ پر ایک پیغام آیا۔خالصتانی دہشت گرد گروپتون سنگھ پنوں نے رام مندر کو بم سے اڑانے کی دھمکی دی ہے۔ پنوں نے یہ دھمکی ایک ویڈیو جاری کرکے دی ہے۔دہشت گرد پنوں نے کہا ہے کہ رام مندر میں 16-17 نومبر کو تشدد ہوگا۔اس دھمکی آمیز ویڈیو کی اطلاع ملنے کے بعد ایودھیا کے رام جنم بھومی کمپلیکس میں ہائی الرٹ کر دیا گیا ہے۔
رام مندر کی حفاظت سے متعلق عہدیداروں نے پیر کو پورے کمپلیکس کا معائنہ کیا اور حفاظتی انتظامات کو مضبوط بنایا۔ ایس پی سیکورٹی فورس رامچاری دوبے نے اے ٹی ایس اہلکاروں اور پولیس فورس کے ساتھ رام جنم بھومی کے درشن پاتھ اور پورے کمپلیکس کے سیکورٹی انتظامات کا جائزہ لیا۔ انہوں نے کہا کہ کیمپس کی سیکورٹی پہلے ہی ناقابل تسخیر ہے۔ پورے کمپلیکس کی 24 گھنٹے نگرانی کی جاتی ہے۔
سی او ایودھیا آشوتوش تیواری نے کہا کہ ویڈیو جاری کرنے کا معاملہ زیر غور ہے۔ ایودھیا اور رام جنم بھومی کی سیکورٹی پہلے ہی سخت ہے۔ اس کے باوجود الرٹ کا اعلان کر دیا گیا ہے۔ مکمل مانیٹرنگ کی جا رہی ہے۔ آئی جی پروین کمار نے کہا کہ دہشت گرد پنوں کے ویڈیو بیان کے ذریعے دھمکی کی اطلاع ملی ہے۔
رام مندر اور پورے ایودھیا دھام میں پہلے سے ہی خصوصی سیکورٹی اور چوکسی رکھی جا رہی ہے۔ اس طرح کے ویڈیو بیانات اس سے قبل بھی جاری کیے جا چکے ہیں، تاہم تازہ ترین ویڈیو بیان جاری ہونے کے بعد ایک بار پھر سکیورٹی انتظامات کا جائزہ لیا جا رہا ہے۔