ادھو ٹھاکرے کے ہیلی کاپٹر کی دوبارہ تلاشی، لاتور میں بھی چھان بین

لاتور،12نومبر (ایجنسیز)

مہاراشٹر کے سابق وزیر اعلیٰ اور شیو سینا (یو بی ٹی) کے سربراہ ادھو ٹھاکرے دن میں دو بار ہیلی کاپٹر کی چیکنگ سے کافی پریشان تھے۔منگل کو وہ ایک انتخابی ریلی کے لیے سولاپور میں تھے، جہاں الیکشن کمیشن کے اہلکاروں نے دن میں دو بار ان کے ہیلی کاپٹر کی تلاشی لی۔

اس سے ناراض ہو کر ادھو ٹھاکرے نے کہا کہ پی ایم مودی بھی سولاپور میں تھے، ان کے ہیلی کاپٹر کی جانچ نہیں کی گئی تھی۔شیوسینا (یو بی ٹی) کے سربراہ ادھو ٹھاکرے نے کہاکہ مجھے انتخابی عہدیداروں کے خلاف کوئی شکایت نہیں ہے، لیکن ان لوگوں کیخلاف جو جان بوجھ کر ایسا کر رہے ہیں۔

شیوسینا (یو بی ٹی) کے ایم پی سنجے راوت نے الزام لگایا کہ مہاراشٹر میں چیف منسٹر ایکناتھ شندے اور ڈپٹی چیف منسٹر اجیت پوار کے درمیان کروڑوں کا لین دین ہورہا ہے۔ راوت نے کہا، ”الیکشن کمیشن اپنا کام کرتا ہے، ہمیں کوئی مسئلہ نہیں ہے۔ لیکن ایکناتھ شندے اور اجیت پوار نے 25 کروڑ روپے بھیجے ہیں۔

کیا الیکشن کمیشن مہاوتی لیڈروں کے سامان اور ہیلی کاپٹر کی جانچ کرتا ہے؟ کیا مہاوتی لیڈروں کے بیگ میں صرف انڈرویئر ہے؟الیکشن کمیشن کے افسران نے جب یوتمال ضلع کے وانی ہیلی پیڈ پر ادھو ٹھاکرے کے ہیلی کاپٹر کو چیک کیا تو وہ غصے میں آگئے اور اہلکاروں کی ویڈیو ریکارڈنگ کرنے لگے۔

ادھو ٹھاکرے کا ہیلی پیڈ پر اہلکاروں سے بحث کرتے ہوئے ایک ویڈیو وائرل ہوا ہے۔ جس میں وہ اہلکاروں سے شناختی کارڈ دکھانے کے لیے کہہ رہا ہے اور نام پوچھ رہا ہے۔ ادھو اس ویڈیو میں پوچھ رہے ہیں کہ اس سے پہلے کس کا بیگ چیک کیا گیا تھا؟ مودی آیا تھا، کیا کیا؟ اس کے بعد ادھو ٹھاکرے اپنا بیگ چیک کرتے نظر آ رہے ہیں۔