Skip to content
مہایوتی کے سی ایم امیدوار پر اسد الدین اویسی کا بڑا بیان.
شندے بخوبی جانتے ہیں کہ وہ اب وزیر اعلی نہیں بن سکیں گے : اویسی
نئی دہلی،15نومبر (ایجنسیز)
مہاراشٹرا اسمبلی انتخابات کے درمیان ریاست کی سیاست کی گہما گہمی عروج پر ہے۔ اے آئی ایم آئی ایم کے سربراہ اسد الدین اویسی اور مہایوتی ہندو مسلم سیاست کو لے کر آمنے سامنے ہیں۔ اس دوران اویسی نے حیران کن بیان دیا۔درحقیقت، مہاراشٹر کے سمبھاجی نگر میں ایک جلسہ عام سے خطاب کرتے ہوئے اے آئی ایم آئی ایم کے سربراہ اسد الدین اویسی نے کہاکہ ایکناتھ شندے اس حقیقت سے بخوبی واقف ہیں کہ وہ اب وزیر اعلی نہیں بننے والے ہیں۔ دیویندر فڑنویس بھی جانتے ہیں کہ وہ نہیں آئیں گے۔
اسی لیے ہندو مسلمان اورمیرا نام لے کر سیاست کر رہے ہیں، یہ لوگ ہندو مسلم کرکے لوگوں کے درمیان تفرقہ ڈالنا چاہتے ہیں۔اس کے ساتھ ہی اے آئی ایم آئی ایم کے سربراہ اسد الدین اویسی نے لوگوں کو یقین دلایا کہ وہ مراٹھا ریزرویشن کے لیے لڑیں گے۔انہوں نے کہاکہ بی جے پی والوں نے منوج جارنگے پاٹل پر لاٹھی چارج کیا، لیکن ہم ان کے ساتھ ہیں۔
اسدالدین اویسی نے کہاکہ اس وقت وزیر اعلی ایکناتھ شند ے اور وزیر داخلہ امت شاہ کہہ رہے ہیں کہ وہ لاڈلی بہنوں کو 1500 روپے دے رہے ہیں، یہ پیسہ صرف آپ کا ہے، وہ اپنی جیب سے نہیں دے رہے ہیں۔ پی ایم مودی نے کہا تھا کہ 15 لاکھ روپے آئیں گے؛ لیکن صرف 1500 روپے آ رہے ہیں۔حتیٰ کہ اسدالدین اویسی نے سماج وادی پارٹی کے سربراہ اور رکن پارلیمنٹ اکھلیش یادو کو نشانہ بناتے ہوئے بڑا بیان بھی دیا۔
انہوں نے کہاکہ میں آپ کو بتاتا ہوں کہ سماج وادی پارٹی کیا ہے،اکھلیش یادو سال 2013 میں اتر پردیش کے وزیر اعلیٰ تھے، مظفر نگر میں فساد ہوا اور 50 ہزار سے زیادہ لوگ بے گھر ہو گئے، اکھلیش یادو ان متاثرین کے گھر نہیں گئے۔ 65 سال کی خواتین کی عصمت دری کی گئی، یہ اکھلیش یادو ہیں، 100 سے زیادہ خواتین کی عصمت دری کی گئی اور اس وقت اکھلیش یادو سیفئی کے فلمی ستاروں کو بلا کر رقص کرتے تھے۔
Like this:
Like Loading...
