Skip to content
حکومت ٹھیک طرح سے امتحانات بھی نہیں کراسکتی ہے، پرینکا گاندھی کا طنز
نئی دہلی ، 23جون ( آئی این ایس انڈیا )
کانگریس جنرل سکریٹری پرینکا گاندھی نے این ای ای ٹی پیپر لیک معاملے میں نریندر مودی حکومت پر سخت حملہ کیا ہے۔ پرینکا گاندھی نے کل اتوار 23 جون کو سوشل میڈیا پلیٹ فارم ایکس پر اپنا سخت ردعمل دیا۔ انہوں نے لکھا کہ ملک کے قابل نوجوان بی جے پی کی بدعنوانی سے لڑنے میں اپنا سب سے قیمتی وقت اور توانائی ضائع کر رہے ہیں اور مودی جی صرف تماشا دیکھ رہے ہیں۔اس کے علاوہ انہوں نے حالیہ دنوں میں لیک ہونے والے پیپر کا ذکر کرتے ہوئے مودی حکومت پر حملہ بھی کیا۔
پرینکا نے لکھا، این ای ای ٹی پیپر لیک ہوا، این ای ای ٹی کا پرچہ منسوخ،یوجی سی این ای ٹی کا امتحان منسوخ اور پھر سی ایس آئی آر این ای ٹی منسوخ کر دیا گیا،آج ملک کے سب سے بڑے امتحانات کی یہ حالت ہے۔
پرینکا گاندھی نے مزید کہا کہ بی جے پی کے دور حکومت میں پورا تعلیمی ڈھانچہ مافیا اور بدعنوان لوگوں کے حوالے کر دیا گیا ہے۔ملک کی تعلیم اور بچوں کا مستقبل لالچی اور نا اہل لوگوں کے ہاتھ میں دینے کی سیاسی ہٹ دھرمی اور تکبر نے پیپر لیک ہونے، امتحانات کی منسوخی، کیمپسز سے تعلیم کا خاتمہ اور سیاسی غنڈہ گردی کو ہمارے تعلیمی نظام کا خاصہ بنا دیا ہے۔
حالات ایسے ہو گئے ہیں کہ بی جے پی حکومت صاف ستھرا امتحان بھی نہیں لے سکتی۔پرینکا یہیں نہیں رکیں۔ انہوں نے کہا، آج بی جے پی حکومت نوجوانوں کے مستقبل کی راہ میں واحد سب سے بڑی رکاوٹ بن گئی ہے، ملک کے قابل نوجوان بی جے پی کی بدعنوانی سے لڑنے میں اپنا قیمتی وقت اور توانائی ضائع کر رہے ہیں اور مودی جی صرف تماشا دیکھ رہے ہیں۔
Like this:
Like Loading...
