کسان احتجاج: شمبھو بارڈر پرواٹرکینن اور آنسو گیس کا استعمال

پنجاب اور ہریانہ کی سرحدوں پر ملک کے کسانوں کا احتجاج جاری ہے۔ احتجاج کے 307 ویں دن کسان مرکزی حکومت سے بات چیت کے اپنے مطالبے پر ڈٹے ہوئے ہیں۔ کسان مزدور مورچہ (کے ایم ایم) کے رہنما سرون سنگھ پندھر نے حکومت کے اس معاملے سے نمٹنے پر سوال اٹھایا اور وزیر اعظم نریندر مودی اور مرکزی وزیر زراعت شیوراج سنگھ چوہان پر خاموش رہنے کا الزام لگایا۔ انہوں نے یہ بھی الزام لگایا کہ حکومتی ادارے تحریک کو بدنام کرنے کی کوشش کر رہے ہیں۔

کسان مزدور مورچہ (کے ایم ایم) کے رہنما سرون سنگھ پنڈھر نے اعلان کیا ہے کہ 101 کسانوں کا ایک نیا گروپ ہفتہ (14 دسمبر 2024) کی سہ پہر ہریانہ کے شمبھو بارڈر سے دہلی کی طرف مارچ کرے گا۔ کسانوں کے احتجاجی مارچ کے دوبارہ شروع ہونے سے چند گھنٹے قبل، ہریانہ حکومت نے ہفتہ کے روز امبالا ضلع کے 12 گاؤں میں موبائل انٹرنیٹ اور بلک ایس ایم ایس خدمات کو عوامی امن برقرار رکھنے کے لیے معطل کر دیا۔