’’ایک ملک، ایک انتخاب‘‘ بل آئیں اوروفاقی نظام کے خلاف:پرینکا گاندھی

نیو دہلی،17ڈسمبر( ایجنسیز) کانگریس جنرل سکریٹری پرینکا گاندھی واڈرا نے منگل کو الزام لگایا کہ ایک ساتھ لوک سبھا اور اسمبلی انتخابات کی راہ ہموار کرنے والا بل آئین اور وفاقی نظام کے خلاف ہے۔ انہوں نے پارلیمنٹ کے احاطے میں نامہ نگاروں سے کہا، "یہ ایک غیر آئینی بل ہے۔ یہ ہمارے ملک کے وفاقی نظام کے خلاف ہے۔ ہم اس کی مخالفت کر رہے ہیں۔”

یہ بات قابل ذکر ہے کہ حکومت نے لوک سبھا میں بل پیش کیا تاکہ ملک میں ایک ساتھ لوک سبھا اور اسمبلی انتخابات کرائے جائیں۔ اس بل کو اپوزیشن جماعتوں کی جانب سے سخت مخالفت کا سامنا کرنا پڑا۔ لوک سبھا میں اس بل کی پیش کش کی کانگریس، ترنمول کانگریس، سماج وادی پارٹی، شیو سینا یو بی ٹی سمیت کئی اپوزیشن جماعتوں کے لیڈروں نے مخالفت کی۔ اس کے باوجود لوک سبھا میں بل پیش کیا گیا اور جب ووٹنگ ہوئی تو اس کے حق میں 269 ووٹ ڈالے گئے، جب کہ 198 لوک سبھا ممبران نے اس کے خلاف ووٹ دیا۔