ہم دمشق میں اپنا سفارت خانہ دوبارہ کھولنے پر بات کر رہے ہیں:ایران

ایران،24دسمبر( ایجنسیز) ایرانی وزارت خارجہ کے پہلے اعلان کردہ موقف سے مختلف پوزیشن میں تہران حکومت نے کہا ہے دمشق اور تہران میں سفارتخانے دوبارہ کھولنے کے لیے سفارتی بات چیت ہو رہی ہے۔حکومتی ترجمان نے منگل کو کہا کہ "ہم دونوں ممالک میں سفارتخانے دوبارہ کھولنے کے لیے بات چیت کر رہے ہیں۔ دونوں فریق اس کے لیے تیار ہیں”۔

جہاں تک شامی حکومت کا تعلق ہے تو انہوں نے اس بات پر زور دیا کہ شام میں تہران کے لیے جو چیز اہمیت رکھتی ہے وہ ایک ایسی حکومت کی تشکیل ہے جسے عوام نے منتخب کیا ہے اور ساتھ ہی شام کی سرزمین کی وحدت کا تحفظ کرنا ہے۔دوسری جانب ایرانی سول ایوی ایشن آرگنائزیشن کے سربراہ حسین پورفرزانہ نے اعلان کیا ہے کہ شامی حکام نے 22 جنوری تک ایرانی پروازیں معطل کر دی ہیں لیکن ان میں سے کچھ خصوصی اجازت نامے کے ذریعے جاری رہیں۔