ٹرمپ خاموش، ایلون مسک کی منتخب صدر کے حامیوں سے جھڑپیں جاری

امریکہ،30دسمبر( ایجنسیز)دنیا کے امیر ترین شخص ایلون مسک نے جمعہ کی رات غیر ملکی ٹیک ورکرز کے لیے H-1B ویزا پروگرام کے دفاع کے لیے لڑائی میں جانے کے عزم کا اظہار کردیا اور اپنے کچھ ریپبلکن مخالفین کو شیطان اور نافرمان نسل پرست قرار دے دیا۔گزشتہ 48 گھنٹوں کے دوران ریپبلکن پارٹی کے اندر پھوٹ ڈالنے والی یہ لڑائی اب ایک اہم موڑ پر پہنچ گئی ہے۔ نو منتخب صدر ٹرمپ کے حامی ارب پتیوں کے نو لبرل ٹیک اتحاد نے ان کی پوری روایتی بنیادیوں کو نشانہ بنا ڈالا ہے۔

ٹرمپ، جو اب تک اس تقسیم کے بارے میں خاموش رہے ہیں، ایک طرف اپنے امیر ترین اور طاقتور مشیروں کے درمیان تیزی سے گہرے ہوتے ہوئے تنازع کا سامنا کر رہے ہیں تو دوسری طرف انہیں صدارت تک پہنچانے والے لوگوں کے درمیان جھگڑے کو بھی دیکھ رہے ہیں۔

دنیا کے امیر ترین شخص ایلون مسک نے جمعہ کی رات غیر ملکی ٹیک ورکرز کے لیے H-1B ویزا پروگرام کے دفاع کے لیے لڑائی میں جانے کے عزم کا اظہار کردیا اور اپنے کچھ ریپبلکن مخالفین کو شیطان اور نافرمان نسل پرست قرار دے دیا۔گزشتہ 48 گھنٹوں کے دوران ریپبلکن پارٹی کے اندر پھوٹ ڈالنے والی یہ لڑائی اب ایک اہم موڑ پر پہنچ گئی ہے۔ نو منتخب صدر ٹرمپ کے حامی ارب پتیوں کے نو لبرل ٹیک اتحاد نے ان کی پوری روایتی بنیادیوں کو نشانہ بنا ڈالا ہے۔ٹرمپ، جو اب تک اس تقسیم کے بارے میں خاموش رہے ہیں، ایک طرف اپنے امیر ترین اور طاقتور مشیروں کے درمیان تیزی سے گہرے ہوتے ہوئے تنازع کا سامنا کر رہے ہیں تو دوسری طرف انہیں صدارت تک پہنچانے والے لوگوں کے درمیان جھگڑے کو بھی دیکھ رہے ہیں۔

یہ جھڑپیں گزشتہ اتوار کو شروع ہوئیں۔ ٹرمپ نے وینچر کیپیٹلسٹ سریرام کرشنن کو مصنوعی ذہانت کے مشیر کے طور پر منتخب کیا تو اس کے خلاف تنقید شروع ہوگئی۔ امیگریشن کے خلاف اور بھارت مخالف تنقید سامنے آئی۔معاملہ جمعرات کو ایک مکمل تنازع کی طرف بڑھ گیا جب ایلون مسک کے اتحادی اور DOGE کے شریک چیئر ویویک رامسوامی نے امریکہ کی "اوسطیت” کے کلچر پر تنقید کرنے کے لیے ’’ ایکس‘‘ پر پوسٹ کی۔ مسک نے رامسوامی کا دفاع کیا تو دونوں فریقوں نے لفظوں کی تلخ جنگ شروع کر دی۔

جمعہ کی سہ پہر ایلون مسک نے اپنے موقف پر زور دیا اور کہا کہ MAGA کے پیروکار جنہوں نے امیگریشن اور ٹیک کمیونٹی پر تنقید جاری رکھی وہ "قابل نفرت بیوقوف” تھے۔انہوں نے بعد میں واضح کیا کہ وہ "نسل پرستوں” کے بارے جاؤ اور جہنم میں جاؤ۔ میں اس مسئلے پر جنگ لڑوں گا جسے آپ بالکل نہیں سمجھ سکتے۔ انہوں نے ایک الگ پوسٹ میں یہ بھی کہا کہ میں نے امریکہ میں میرٹ کو برقرار رکھنے کے لیے اپنے خون کے آخری قطرے تک لڑنے کا عہد کیا ہے۔

مسک کی پچھلی پوسٹوں کی طرح جس میں انہوں نے رامسوامی کا دفاع کیا اور اپنے مخالفین کی مذمت کی تھی، ٹرمپ کے دیگر حامیوں نے مسک کے H-1B پروگرام کے دفاع کے عہید پر اچھا رد عمل ظاہر نہیں کیا۔دائیں بازو کی مبصر لورا لومر نے لکھا کہ خدا صدر ٹرمپ کو برکت دے اور انہیں ان لوگوں سے بچائے۔ انہوں نے مسک پر انہیں سنسر کرنے کی کوشش کرنے کا الزام بھی لگایا۔ اس معاملے پر ٹرمپ کی خاموشی کے باوجود ان کے اردگرد موجود لوگ بیانات دے رہے ہیں۔

آن لائن مارکیٹ پلیس پبلک سکوائر ، جس کے بورڈ آف ڈائریکٹرز میں ڈونلڈ ٹرمپ جونیئر شامل ہیں، کے سی ای او مائیکل سیفرٹنے جمعہ کو سوشل میڈیا پر کہا کہ H-1B پروگرام امریکی کارکنوں کی زندگیوں کو تباہ کر رہا ہے۔ سٹیو بینن جو ٹرمپ کے ححلقے میں سب سے پرانی آوازوں میں سے ایک ہیں نے اس ہفتے اپنے شو میں ایچ 18 کے خلاف بات کرنے کے لیے کئی مہمانوں کو بلایا۔