چھ ماہ سے تنخواہ کی عدم ادائیگی کے خلاف : کجریوال کی رہائش گاہ کے باہر دہلی وقف بورڈ کے ائمہ کرام کا احتجاج

نئی دہلی ،30دسمبر ( ایجنسیز ) تنخواہوں کی عدم ادائیگی کیخلاف دہلی وقف کے اماموں اور مؤذن نے پیر کو عام آدمی پارٹی کے قومی کنوینر اروند کجریوال کی رہائش گاہ کے باہر 5 فیروز شاہ روڈ پر احتجاج کیا۔ آل انڈیا امام ایسوسی ایشن کے صدر مولانا محمد ساجد رشیدی کی قیادت میں احتجاج کرنے والے ائمہ نے کہا کہ اگر ہمارے سوالوں کے جواب نہیں ملے تو ہم کجریوال کی رہائش گاہ کے باہر دھرنے پر بیٹھیں گے۔

 

اس معاملے کے بارے میں آل انڈیا امام ایسوسی ایشن کے چیئرمین ساجد رشیدی نے کہا کہ 17 مہینے ہو گئے ہیں اور ہمیں تنخواہ نہیں ملی، ہم گزشتہ 6 ماہ سے اس مسئلے کو اٹھانے کی کوشش کر رہے ہیں، ہم وزیر اعلی، ایل جی اور سبھی کے ساتھ کام کر رہے ہیں۔ سینئر اور جونیئر افسران سے ملاقات کی ہے اسی لیے آج ہم سب یہاں جمع ہوئے ہیں۔

 

دراصل، دہلی وقف بورڈ کے ائمہ اور مؤذن سمیت تقریباً 240 لوگ ہیں، جن کی تنخواہیں دہلی وقف بورڈ ادا کرتا ہے۔ وقف بورڈ دہلی حکومت کے تحت آتا ہے۔ اماموں کو گزشتہ 17 ماہ سے تنخواہیں نہیں ملی ہیں۔ دہلی وقف بورڈ کے امام اس سلسلے میں کجریوال سے ملنا چاہتے ہیں۔امام ایک ہفتے میں تیسری بار اروند کجریوال سے ملنے آئے ہیں۔