ریلائنس فاؤنڈیشن نے پیرس اولمپکس میں بنایا ملک کا پہلا ’ انڈیا ہاوس‘
کنٹری ہاوس میں اپنی سافٹ پاور کا مظاہرہ کرتے ہیں ممالک
انڈیا ہاؤس میں بھارت کے ہنر، صلاحیت اور خواہش کی ایک جھلک دکھے گی
نئی دہلی 26 جون2024 ۔ریلائنس فاؤنڈیشن نے انڈین اولمپک ایسوسی ایشن (IOA) کے ساتھ شراکت میں پیرس اولمپک گیمز میں ملک کا پہلا کنٹری ہاؤس یعنی انڈیا ہاؤس بنایا ہے۔ انڈیا ہاؤس پیرس کے مشہور پارک ڈی لا وِلیٹ میں بنایا گیا ہے۔ انڈیا ہاؤس کے علاوہ اس پارک میں نیدرلینڈ، کینیڈا، برازیل اور میزبان فرانس سمیت 14 ممالک کے کنٹری ہاؤسز ہوں گے۔ انڈیا ہاؤس کے دروازے دنیا بھر کے کھلاڑیوں، معززین اور کھیل سے محبت کرنے والوں کے لیے کھلے رہیں گے۔ یہاں دنیا کو ہندوستان کے ہنر، صلاحیت اور عزائم کی جھلک ملے گی۔ ثقافت سے لے کر آرٹ اور کھیلوں تک یوگا، دستکاری، موسیقی اور روایتی ہندوستانی کھانوں تک، انڈیا ہاؤس ثقافتی پیشکشوں کی ایک رینج پیش کرے گا۔
آئی او سی کی رکن اور ریلائنس فاؤنڈیشن کی بانی اور چیئرپرسن، محترمہ نیتا ایم امبانی نے انڈیا ہاؤس کے بارے میں کہا’’ میں پیرس اولمپک گیمز میں پہلی بار انڈیا ہاؤس کا اعلان کرتے ہوئے بے حد خوش اور پرجوش ہوں۔ ہمارے ایتھلیٹس کی میزبانی کر سکتے ہیں، ان کی جیت کا جشن منا سکتے ہیں، ان کی کہانیاں بانٹ سکتے ہیں اور دنیا کے سامنے ہندوستانیت کے رنگ لا سکتے ہیں‘‘
محترمہ پی ٹی اوشا، صدر، انڈین اولمپک ایسوسی ایشن نے کہا، "ریلائنس فاؤنڈیشن کے ساتھ شراکت میں انڈیا ہاؤس کا افتتاح، پیرس اولمپکس میں ہندوستانی شائقین اور کھلاڑیوں کے لیے ایک اہم پرکشش مقام ہو گا، میں اس پہل اور ہندوستان کی اولمپک تحریک کو آگے بڑھانے کے لیے آئی او سی کی رکن محترمہ نیتا امبانی کا شکریہ ادا کرنا چاہوں گی۔
درحقیقت، ممالک اولمپک گیمز کے لیے بنائے گئے کنٹری ہاوس میں اپنی سافٹ پاور کا مظاہرہ کرتے ہیں۔ ہندوستانی ثقافت کی بھرپور اور متنوع تصویر پیش کرنے کے علاوہ، پیرس میں انڈیا ہاؤس ہندوستانی کھلاڑیوں کے لیے گھر سے دور ایک گھر کے طور پر بھی کام کرے گا۔ ہندوستانی کھلاڑیوں کی فتوحات اور ان کے تمغوں کا جشن یہاں منایا جائے گا۔ کھیلوں کے شائقین کے لیے یہاں خصوصی واچ پارٹیوں کا اہتمام کیا جائے گا۔ خصوصی میڈیا رائٹس ہولڈر وائیکوم18 واچ پارٹیوں کو فیڈ فراہم کرے گا۔
انڈیا ہاؤس کے بارے میں مزید معلومات کے لیے انڈیا ہاؤس کی ویب سائٹ، انسٹاگرام اور سنیٹ چیٹ پر ملاحظہ فرمائیں۔
