کجریوال نے کچی بستیوں کے مکینوں سے کی ملاقات
کہا:بھاجپا کو ووٹ دینے کا مطلب اپنی خودکشی کے نوٹ پر دستخط کرنا ہے

نئی دہلی ،12جنوری (آئی این ایس انڈیا )

عام آدمی پارٹی کے قومی کنوینر اور دہلی کے سابق وزیر اعلی اروند کجریوال اتوار کو شکور پور بستی میں واقع کچی آبادی پہنچے، ہاں انہوں نے ایک پریس کانفرنس میں بی جے پی کو نشانہ بنایا۔ انہوں نے کہا کہ جیسے جیسے انتخابات قریب آرہے ہیں، بی جے پی کی کچی آبادیوں سے محبت بڑھتی جارہی ہے۔انہوں نے کہا کہ میں ایک بات کہنا چاہتا ہوں کہ اگر دہلی کے کچی آبادی والے بی جے پی کو ووٹ دیتے ہیں تو ایسا کرنے سے آپ لوگ آپ کی خودکشی کے نوٹ پر دستخط کریں گے۔ پچھلے دس سالوں میں بی جے پی نے تین لاکھ لوگوں کو بے گھر کیا ہے۔

کجریوال نے کہا کہ آج میں امت شاہ کو چیلنج کرنے جا رہا ہوں۔ امت شاہ جی کو چاہئے کہ وہ کچی آبادیوں کے ان تمام مقدمات کو عدالت سے واپس لے لیں جو پچھلے دس سالوں میں تباہ ہوئے ہیں۔عدالت میں حلف نامہ جمع کروائیں کہ جتنی کچی بستیاں گرائی گئی ہیں ان کو دوبارہ آباد کیا جائے گا۔ اگر آپ ان لوگوں کو واپس نہیں لاتے جنہیں آپ نے اکھاڑ پھینکا تھا، اسی سرزمین پرتو کجریوال الیکشن نہیں لڑیں گے۔بی جے پی کو آڑے ہاتھوں لیتے ہوئے انہوں نے کہا کہ یہ امیروں کی پارٹی ہے۔ ان لوگوں نے پچھلے پانچ دس سالوں میں کچی آبادیوں کا خیال نہیں رکھا لیکن اب جب الیکشن قریب آ رہے ہیں تو ان کے لیڈر کچی بستیوں میںسارا سیاسی تام جھام لیے خیمہ زن ہو جاتے ہیں ،حقیقت تو یہ ہے کہ لوگ کچی آبادیوں کو کیڑے مکوڑے سمجھتے ہیں۔

انہوں نے کہا کہ بی جے پی والے کہہ رہے ہیں کہ جہاں کچی بستیاں ہیں وہاں گھر ہیں، لیکن بی جے پی والے نہیں بتا رہے کہ یہ کس کا گھر ہے۔ بی جے پی پر طنز کرتے ہوئے انہوں نے کہا کہ جہاں کچی بستیاں ہیں وہاں ان کے (بی جے پی والوں کے) دوستوں کے گھر ہیں، جہاں کچی بستیاں ہیں وہاں بلڈرز والوں کے کے گھر ہیں۔انہوں نے کہا کہ بی جے پی گزشتہ 11 سال سے حکومت میں ہے، لیکن اب تک ان کی طرف سے کچی آبادیوں کے لیے صرف 4 ہزار 700 مکانات تعمیر کیے گئے ہیں، جب کہ دہلی میں 10 لاکھ کچی بستیاں ہیں۔ ایسے میں دہلی میں کچی آبادیوں کو مکان فراہم کرنے میں ایک ہزار سال لگیں گے۔ ان لوگوں نے کچی آبادی کو گرا کر لوگوں کو بے گھر کرنے کا منصوبہ بنایا ہے۔