Skip to content
نئی مسجد میں نماز ادا کرنے والے 7 مصلیان کرام کیخلاف ایف آئی آر
بریلی، 19جنوری (ایجنسیز)
یوپی کے بریلی ضلع سے بڑی خبر آرہی ہے۔ یہاں پولیس نے نئی مسجد میں نماز پڑھنے پر 7 افراد کے خلاف مقدمہ درج کیا ہے۔ جام ساونت شمالی گاؤں میں، جو اتر پردیش کے بریلی ضلع کی تحصیل بہاری کے تحت آتا ہے، کچھ لوگوں نے چاردیواری بنائی، اس پر ٹین کا شیڈ ڈال کرایک نئی مسجد بنائی۔اس کے بعد اس میں نماز جمعہ ادا کی گئی۔ اس کے بعد گاؤں کی ہندو برادری نے نماز پڑھنے کی مخالفت کی۔
جس کے بعد علاقے میں کشیدگی پھیل گئی۔پولیس نے موقع پر پہنچ کر تفتیش شروع کر دی۔ ہندو جاگرن منچ یوا واہنی کے ضلع صدر ہمانشو پٹیل نے الزام لگایا ہے کہ گاؤں کے سرپنچ کی اجازت سے لوگوں کو باؤنڈری وال پر ٹین شیڈ لگا کر نماز پڑھنے کی اجازت دی گئی۔ انہوں نے ٹوئٹر پر نماز ادا کرنے والے لوگوں کا ڈرون شاٹ شیئر کیا۔ انہوں نے یہ بھی الزام لگایا کہ نماز پڑھنے کے لیے ضلعی انتظامیہ سے اجازت نہیں لی گئی۔
Like this:
Like Loading...
