لٹل اسٹارسچن تندولکر کو لائف ٹائم اچیومنٹ ایوارڈ ملے گا

لٹل اسٹارسچن تندولکر کو لائف ٹائم اچیومنٹ ایوارڈ ملے گا

ممبئی،31جنوری (ایجنسیز)

ٹیم انڈیا کے سابق عظیم بلے باز، سچن تندولکر کو آج ہفتہ (01 فروری 2025) کو بورڈ آف کنٹرول فار کرکٹ ان انڈیا (بی سی سی آئی) کی سالانہ تقریب میں بورڈ کے لائف ٹائم اچیومنٹ ایوارڈ سے نوازا جائے گا۔ بھارت کے لیے 664 بین الاقوامی میچ کھیلنے والے 51 سالہ تندولکر نے کرکٹ کی تاریخ میں سب سے زیادہ ٹیسٹ اور ون ڈے رنز بنانے کا ریکارڈ اپنے نام کیا۔ تندولکر کے 200 ٹیسٹ اور 463 ونڈے کرکٹ کی تاریخ میں کسی بھی کھلاڑی کی طرف سے سب سے زیادہ ہیں۔

انہوں نے 15,921 ٹیسٹ رنز کے علاوہ و نڈے میں 18,426 رنز بنائے۔ انہوں نے اپنے شاندار کیریئر میں صرف ایک ٹی 20 انٹرنیشنل کھیلا ہے۔ہندوستان کے سابق ہیڈ کوچ روی شاستری اور سابق لیجنڈری وکٹ کیپر فاروق انجینئر کو 2023 میں اس اعزاز سے نوازا گیا تھا۔اپنے دور کے عظیم ترین بلے باز سمجھے جانے والے تندولکر تمام حالات میں آسانی کے ساتھ رنز بنانے کے لیے جانے جاتے تھے۔

انہوں نے 1989 میں پاکستان کیخلاف 16 سال کی عمر میں ٹیسٹ ڈیبیو کیا تھا،اور اگلی دو دہائیوں میں دنیا بھر کے باؤلرز کے خلاف رنز بنائے۔ ان کے پاس ٹیسٹ اور ونڈے دونوں فارمیٹس میں 100 سنچریاں بنانے کا ریکارڈ بھی ہے۔بیٹنگ کے کئی ریکارڈ رکھنے والے تندولکر ہندوستان کی 2011 ورلڈ کپ جیتنے والی ٹیم کے اہم ممبر بھی تھے