Skip to content
مرکزی وزیر سریش گوپی کا متنازعہ بیا ن:
کہا:قبائلی امور کے محکمے کو اونچی ذات کے فرد کو سنبھالنا چاہئے
نئی دہلی،3فروری (ایجنسیز) پٹرولیم اور قدرتی گیس کے مرکزی وزیر مملکت سریش گوپی نے اتوار کو یہ کہہ کر ایک تنازعہ کھڑا کر دیا کہ قبائلی امور کی وزارت کو اونچی ذات کے فرد کو سنبھالنا چاہیے۔ تاہم بعد میں انہوں نے اپنا تبصرہ واپس لے لیا۔ دہلی اسمبلی کے لیے اپنی بھارتیہ جنتا پارٹی کی انتخابی مہم کے دوران ایک جلسہ عام سے خطاب کرتے ہوئے، گوپی، جو اداکار سے سیاست داں بنے ہیں، نے کہا کہ قبائلی بہبود میں حقیقی ترقی تب ہی ممکن ہو گی جب وزارت کی ذمہ داری کسی اونچی برادری کے فرد کو سونپی جائے ۔
جب اس تبصرہ پر تنقید کی گئی تو گوپی نے واضح کیا کہ انہوں نے یہ بیان نیک نیتی سے دیا ہے۔ انہوں نے کہا کہ اگر میرے ریمارکس کو نیک نیتی سے قبول نہیں کیا گیا یا اگر یہ وضاحت غیر تسلی بخش ہے تو میں اپنے تبصرے واپس لیتا ہوں۔ مرکزی وزیر نے واضح کیا کہ ان کا ارادہ امتیازی سلوک کو ختم کرنا ہے۔ اس نے کہا میں نے کسی کو اچھا یا برا نہیں کہا۔ میرا مقصد صرف اس روایت کو توڑنا تھا۔ ایک لیڈر کی حیثیت سے قبائلی برادری کی فلاح و بہبود ہمیشہ میری ترجیح رہی ہے۔
اس سے پہلے گوپی نے کہا تھا کہ یہ ہمارے ملک کی لعنت ہے کہ قبائلی برادری سے آنے والے شخص کو ہی قبائلی امور کا وزیر بنایا جا سکتا ہے۔ انہوں نے کہا تھاکہ یہ میرا خواب ہے کہ قبائلی برادری سے باہر سے کسی کو ان کی فلاح و بہبود کے لیے مقرر کیا جائے۔ ذمہ داری کسی برہمن یا نائیڈو برادری کو سونپی جائے، اس سے اہم تبدیلی آئے گی۔کمیونسٹ پارٹی آف انڈیا (سی پی آئی) کے ریاستی سکریٹری وشوام نے گوپی پر حملہ کیا،انہیں مخصوص ذہنیت کے نظام کا پرچارک قرار دیا اور انہیں مرکزی کابینہ سے ہٹانے کا مطالبہ بھی کیا۔
Post Views: 15
Like this:
Like Loading...
