اسرائیل ہتھیار ڈالنے کے معاہدے کو مسلط کرنے کی کوشش کر رہا ہے، امریکہ اس کا ساتھی ہے:حماس

اسرائیل،19مارچ(ایجنسیز)بین الاقوامی مطالبات کے باوجود جنگ بند کرنے سے انکار کے بعد حماس نے اسرائیل پر الزام عائد کیا ہے کہ وہ غزہ میں اپنے حالیہ حملوں کے ذریعے ہتھیار ڈالنے کے معاہدے کو مسلط کرنے کی کوشش کر رہا ہے۔

حماس کے رہنما سامی ابو زہری نے کہا کہ اسرائیل "ہتھیار ڈالنے کا معاہدہ” مسلط کرنے کی کوشش کر رہا ہے۔حماس نے امریکہ پر "تشویش میں شراکت دار” ہونے کا الزام عاید کیا‘۔

ابو زہری نے ’اے ایف پی‘ کو بتایا کہ اسرائیل کے اہداف اور غزہ میں قتل عام جنگ بندی معاہدے کو کمزور کرتے ہیں اور ہتھیار ڈالنے کے معاہدے کو مسلط کرنے اور اسے غزہ کے خون میں لکھنے کی کوشش ہے۔

حماس نے زور دے کر کہا کہ اسرائیل کی جانب سے اس کے خلاف حملے کی تیاریوں کے دعوے بے بنیاد ہیں اور جنگ کی طرف واپسی کا جواز پیش کرنے کا محض بہانہ ہے۔

خیال رہے کہ اسرائیلی فوج نے منگل کو ایک بیان میں اعلان کیا تھا کہ وہ شین بیت کے ساتھ مل کر غزہ کی پٹی میں حماس اور اسلامی جہاد سے وابستہ اہداف کے خلاف حملے جاری رکھے گی۔

انہوں نے کہا کہ گذشتہ گھنٹوں میں جن اہداف کو نشانہ بنایا گیا ان میں سیلز، لانچنگ پوائنٹس، جنگی سازوسامان اور دیگر فوجی ڈھانچے شامل تھے جنہیں دونوں تحریکیں مبینہ طور پر منصوبہ بندی اور عسکری سرگرمیوں کو انجام دینے کے لیے استعمال کرتی تھیں۔

اس نے دعویٰ کیا کہ یہ اہداف اسرائیلی فوج اور شہریوں کے لیے خطرہ ہیں۔

اسرائیلی فوج نے وضاحت کی کہ انہوں نے غزہ کی پٹی میں دی گئی ہدایات میں تبدیلیاں کی ہیں۔

اسرائیلی وزیر اعظم بنجمن نیتن یاہو کے دفتر نے بھی اعلان کیا کہ اسرائیل حماس کے خلاف فوجی طاقت میں اضافے کے ساتھ کارروائی کرے گا۔ دفتر نے کہا کہ فوج کو مکمل طاقت کے ساتھ مقررہ اہداف پر حملہ کرنے کی ہدایات ہیں۔

بیان میں مزید کہا گیا ہے کہ نیتن یاہو نے غزہ میں پیش رفت پر تبادلہ خیال کرنے کے لیے وزیر دفاع اور سکیورٹی سربراہان کی موجودگی میں سکیورٹی مشاورت کے لیے اجلاس طلب کیاہے۔

اسرائیلی فوج نے اعلان کیا کہ اس نے تباہ شدہ غزہ کی پٹی میں درجنوں اہداف پر بمباری کی ہے۔ بیان میں کہا کہ جب تک ضروری ہوا حملے جاری رہیں گے ۔

دریں اثناء العربیہ/الحدث کے نامہ نگار کے مطابق منگل کے روز اسرائیلی جارحیت میں غزہ میں مارے جانے والے فلسطینیوں کی تعداد 413 سے زائد ہوچکی ہے۔

حماس نے اسرائیل پر جنگ بندی کی خلاف ورزی کرنے اور مستقل جنگ بندی کے لیے ثالثوں کی کوششوں کے نتائج کو دھمکی دینے کا الزام عائد کیا۔