وقف ترمیمی بل کو عام آدمی پارٹی کا بھی چیلنج، امانت اللہ خان سپریم کورٹ پہنچے

نیو دہلی،5اپریل(ایجنسیز)لوک سبھا اور راجیہ سبھا نے متنازعہ وقف (ترمیمی) بل 2025 کی منظوری کے چند دن بعد، عام آدمی پارٹی (اے اے پی) کے ایم ایل اے امانت اللہ خان نے ہفتہ کو سپریم کورٹ میں بل کی آئینی جواز کو چیلنج کیا۔

جمعرات کو پارلیمنٹ کے دونوں ایوانوں نے گھنٹوں طویل بحث کے بعد بل کو منظور کیا۔ لوک سبھا میں بل کو 288-232 ووٹوں سے اور راجیہ سبھا میں 128-95 ووٹوں سے منظور کیا گیا۔ بل اب صدر کی منظوری کا انتظار کر رہا ہے۔

امانت اللہ خان کا کہنا ہے کہ وقف ترمیمی بل مسلمانوں کی مذہبی اور ثقافتی خودمختاری پر حملہ ہے۔ ان کے مطابق یہ بل اقلیتوں کے اُن بنیادی حقوق کو متاثر کرتا ہے جن کے تحت وہ اپنے مذہبی اور رفاہی اداروں کا انتظام چلاتے ہیں۔ انہوں نے سپریم کورٹ سے مطالبہ کیا ہے کہ اس بل کو غیر آئینی قرار دے کر مسترد کیا جائے۔

ہندوستان ٹائمز کی ایک رپورٹ کے مطابق، AAP ایم ایل اے اور دہلی وقف بورڈ کے چیئرمین امانت اللہ خان، یہ بل مبینہ طور پر "مسلمانوں کی مذہبی اور ثقافتی خودمختاری کے ساتھ مداخلت کرتا ہے، من مانی انتظامی مداخلت کو قابل بناتا ہے، اور اقلیتوں کے مذہبی اور خیراتی اداروں کو سنبھالنے کے حقوق کو مجروح کرتا ہے۔”