سلمان خان کو ایک اور دھمکی مل گئی، ان کی گاڑی کو بم سے اڑا دیا جائے گا اور گھر میں گھس کر قتل کر دیا جائے گا

سلمان خان کو ایک اور دھمکی مل گئی، ان کی گاڑی کو بم سے اڑا دیا جائے گا اور گھر میں گھس کر قتل کر دیا جائے گا

ممبئی، 14 اپریل۔(ایجنسیز)

اداکار سلمان خان کو ایک بار پھر جان سے مارنے کی دھمکی ملی ہے۔ ورلی میں ٹرانسپورٹ ڈپارٹمنٹ کے نمبر پر ایک دھمکی بھیجا گیا ہے، جس میں ایک نامعلوم شخص نے اداکار کو جان سے مارنے اور ان کی گاڑی کو بم سے اڑا دینے کی دھمکی دی ہے۔اداکار سلمان خان کو ایک بار پھر جان سے مارنے کی دھمکی ملی ہے۔ ورلی میں ٹرانسپورٹ ڈپارٹمنٹ کے نمبر پر ایک دھمکی بھیجا گیا ہے، جس میں ایک نامعلوم شخص نے اداکار کو جان سے مارنے اور ان کی گاڑی کو بم سے اڑا دینے کی دھمکی دی ہے۔ محکمہ ٹرانسپورٹ کے نمبر پر بھیجے گئے پیغام میں سلمان کی گاڑی کو بم سے اڑانے کی دھمکی کے علاوہ ان کے گھر میں گھس کر جان سے مارنے کی دھمکی بھی دی گئی ہے۔ ورلی پولس اسٹیشن میں نامعلوم شخص کے خلاف مقدمہ درج کرلیا گیا ہے۔

دھمکی دینے والے شخص کی نیت کیا ہے اور اس کا تعلق کس گروہ سے ہے، اس بارے میں معلومات سامنے نہیں آئیں۔ قابل ذکر ہے کہ سلمان خان کو اس سے قبل بھی کئی بار دھمکیاں مل چکی ہیں۔ بابا صدیقی قتل کیس میں گرفتار ملزمان نے دوران تفتیش انکشاف کیا تھا کہ سلمان خان بھی ان کی ہٹ لسٹ پر تھے۔ لارنس بشنوئی گینگ سے وابستہ شوٹروں نے کئی بار ممبئی میں سلمان خان کے گلیکسی اپارٹمنٹ میں ریکی کی تھی۔ تاہم سخت سکیورٹی کی وجہ سے وہ اپنے مقصد میں ناکام رہے اور سلمان پر حملہ کرنے کا منصوبہ ناکام ہو گیا۔

گزشتہ سال اپریل میں سلمان خان کے گھر پر پانچ راؤنڈ فائرنگ کی گئی تھی جس کے چند ماہ بعد سلمان کے قریبی دوست اور این سی پی لیڈر بابا صدیقی کو بھی قتل کر دیا گیا تھا۔ لارنس بشنوئی نے ایک ٹی وی انٹرویو میں کہا تھا کہ ان کی زندگی کا واحد مقصد سلمان خان کو مارنا ہے۔ اس سے قبل گزشتہ سال 12 نومبر کو ممبئی پولیس نے کرناٹک کے ایک 24 سالہ شخص کو سلمان خان کو دھمکی آمیز پیغامات بھیجنے پر گرفتار کیا تھا۔ پولیس نے بتایا تھا کہ ملزم کا نام سہیل پاشا ہے۔ 4 دسمبر کو ایک شخص اچانک سلمان خان کے شوٹنگ سیٹ پر گھس گیا۔

سیکیورٹی گارڈ نے اسے روکا تو اس نے دھمکی آمیز لہجے میں کہا کیا میں لارنس کو فون کروں؟ سیٹ پر ہنگامہ کرنے والے شخص کا نام ستیش ورما ہے اور وہ ایک جونیئر آرٹسٹ ہے۔ گزشتہ سال سلمان خان کے گھر کے باہر سیکیورٹی کے سخت انتظامات کیے گئے تھے۔ سلمان خان کی بالکونی میں بلٹ پروف شیشہ خصوصی طور پر نصب کیا گیا تھا جہاں سے وہ اپنے مداحوں کو خوش آمدید کہتے ہیں۔ گلیکسی اپارٹمنٹ کے باہر بھی سخت سکیورٹی تعینات کر دی گئی ہے۔