ملک میں نئی ٹول پالیسی کب نافذ ہوگی؟ خود نتین گڈکری نے یہ جانکاری دی۔

ملک میں نئی ٹول پالیسی کب نافذ ہوگی؟ خود نتین گڈکری نے یہ جانکاری دی۔

نئی دہلی، 15 اپریل(ایجنسیز)

نئی ٹول پالیسی جلد ہی ملک میں نافذ ہو سکتی ہے۔ اس سے عام لوگوں کو بڑی راحت ملے گی۔ مرکزی وزیر ٹرانسپورٹ نتن گڈکری نے ممبئی میں امر ہند منڈل کے زیر اہتمام 78ویں وسنت لیکچر سیریز پروگرام میں کہا کہ نئی ٹول پالیسی اگلے 15 دنوں میں نافذ کر دی جائے گی۔ اس کی وجہ سے لوگوں کو ٹول ورکرز سے بحث کرنے کی ضرورت نہیں پڑے گی۔ لوگ بغیر کسی پریشانی کے فاسٹیگ لین سے ٹول پلازوں سے گزر سکیں گے۔یہ سہولت 3000 روپے سالانہ ادا کرنے پر دستیاب ہوگی۔

ذرائع کے مطابق نئی ٹول پالیسی میں سالانہ فیس ادا کرنا ہو گی جس کے بعد آپ ایک شہر سے دوسرے شہر باآسانی سفر کر سکیں گے۔ پرائیویٹ کار ڈرائیورز کے لیے 3000 روپے فیس مقرر کی گئی ہے۔ تاہم کمرشل گاڑیوں اور بائک کی فیس کیا ہوگی اس کا فیصلہ ابھی نہیں ہوا ہے۔ تاہم دو پہیہ گاڑیوں کو پہلے کی طرح مفت زمرہ میں رکھا جائے گا۔

نئی ٹول پالیسی پر این ایچ اے آئی کا کیا کہنا ہے؟نیشنل ہائی وے اتھارٹی آف انڈیا (این ایچ اے آئیNHAI) کے ذرائع کے مطابق، پالیسی کے بارے میں ابھی تک کچھ بھی طے نہیں کیا گیا ہے۔ یہ ابھی بھی منصوبہ بندی کے موڈ سے بہت دور ہے۔ ایسے میں یہ کہنا مشکل ہے کہ اس پالیسی پر کب عمل ہو گا اور اس پالیسی کے تحت لوگوں کو کیا سہولیات ملیں گی۔ اس بارے میں کچھ کہنا مشکل ہو گا۔