پہلگام دہشت گردانہ واقعہ کے خلاف باغ عامہ میں مختلف تنظیموں کی احتجاجی ریالی
بابو راؤ، منی لال شاہ، جاوید شریف، عبدالوہاب، مختار احمد فردین اوردیگرکاخطاب
حیدرآباد29اپریل(راست)باغ عامہ نامپلی میں حیدرآباد کی مختلف تنظیموں جاگوانڈیا جاگو، اے بی سی لافٹرکلب، مورننگ والکرس ، آل انڈیا اردو ماس سوسائٹی فار پیس اور دیگر تنظیموں کی جانب سے پہلگام دہشت گرد ا نہ واقعہ کے خلاف احتجاج کیااور ا یک بڑی ریالی نکالی جس میں عوام کی کثیرتعداد نے شرکت کی۔اس موقع پر تنظیموں کے ذمہ داران نے پلے کارڈس تھام کر دہشت گردی مردہ باد، قومی یکجہتی زندہ باد کے نعرے لگائے ۔
اس موقع پر جاوید شریف ،عبدالوہاب خان، بابو راؤ ( چیرمین نیلوفر کیفے)، منی لال شاہ، میر سردار علی، محمد حنیف ڈھاکلی ، خالد احمد اشرفی ، رئیس خان ، محمد فیض، سریندر جی، محمدستار، محمد فاروق ، سنیل ،حافظ و قاری محمد علی قادری، ڈاکٹر عالمگیر رضوی ،ڈاکٹر مختار احمد فردین نے اور دیگرے شخصیات نے جلوس ریلی میں شرکت کرتے ہوئے دہشت گردانہ واقعہ کے خلاف اپنے غم وغصہ کااظہار کیااور حکومت سے درخواست کی کہ دہشت گردوں کو کیفرکردار تک پہنچایا جائے ۔اس واقعہ میں ہلاک ہونے والوں ا ور متاثرین کوحکومت کی جانب ہر مدد فراہم کرنے کابھی احتجاجیو ںنے مطالبہ کیا۔
