مودی سرکار نے پاکستان کو بے نقاب کرنے کے لیے ایک آل پارٹی ٹیم کو سات گروپوں میں تقسیم کیا امریکہ میں تھرور، سعودی عرب میں اویسی اور اسپین میں کنی موزی- پاکستان کی حقیقت کو بے نقاب کریں گے

نیو دہلی،18؍مئی(الہلال میڈیا) کانگریس کے رکن پارلیمنٹ ششی تھرور ایک وفد کی قیادت کریں گے جو امریکہ، پاناما، گیانا، برازیل اور کولمبیا کا سفر کرے گا۔ اس میں شیوسینا کے ایم پی ملند دیورا اور ایل جے پی کی شمبھوی شامل ہیں۔

مودی سرکار نے پاکستان کو بے نقاب کرنے کے لیے ایک آل پارٹی ٹیم کو سات گروپوں میں تقسیم کیاہے۔ یہ گروپ اے آئی ایم آئی ایم ایم پی اسد الدین اویسی اور کانگریس ایم پی ششی تھرور پر مشتمل ہے۔ عرب ممالک کا سفر کرنے والے گروپ میں اسد الدین اویسی کا نام نمایاں ہے۔ شیوسینا کے رکن پارلیمنٹ ملند دیورا اور ششی تھرور بالترتیب امریکہ اور کولمبیا جائیں گے۔

کل جماعتی وفد کی پہلی کھیپ میں سات رہنما شامل ہوں گے، جو بی جے پی کے رکن پارلیمان بیجینت پانڈا کی قیادت میں سعودی عرب، کویت، بحرین اور الجزائر کا سفر کرے گا۔ ان میں حیدرآباد کےایم پی اسد الدین اویسی، ستنام سنگھ سندھو، غلام نبی آزاد، ایس پھنگن، کونیک، ریکھا شرما، اور نشی کانت دوبے شامل ہیں۔

دوسرے گروپ کے رہنما یورپ، اٹلی، ڈنمارک، فرانس، جرمنی اور برطانیہ جائیں گے۔ وہ ایم جے اکبر، غلام علی کھٹانہ، امر سنگھ، سمیک بھٹاچاریہ، شیو سینا یو بی ٹی ایم پی پرینکا چترویدی، اور ٹی ڈی پی ایم پی پندریشوری پر مشتمل ہوں گے۔

جے ڈی یو کے ایم پی سنجے کمار جھا تیسرے گروپ کی قیادت کریں گے، جو کوریا، جاپان، سنگاپور، انڈونیشیا اور ملائیشیا جائے گا۔ سی پی آئی کے ارکان پارلیمنٹ جان برٹاس اور سلمان خورشید ان میں شامل ہیں، جیسا کہ بی جے پی کے ارکان پارلیمنٹ اپراجیتا سارنگی، یوسف پٹھان، اور برج لال ہیں۔

چوتھا گروپ شیوسینا ایم پی شریکانت شندے کی قیادت میں جمہوریہ کانگو، لائبیریا اور متحدہ عرب امارات کا سفر کرے گا۔ اس میں سابق ایم پی ایس ایس اہلووالیہ، بی جے پی ایم پی بنسوری سوراج، ای ٹی محمد بشیر، اتل گرگ، سمبت پاترا، اور منن مشرا شامل ہیں۔

پانچواں گروپ کانگریس ایم پی ششی تھرور کی قیادت میں امریکہ، پاناما، گیانا، برازیل اور کولمبیا کا سفر کرے گا۔ اس میں بی جے پی ایم پی تیجسوی سوریا، ایل جے پی ایم پی شمبھاوی، سرفراز احمد، ایم پی ہریش بالیوگی، ششانک منی ترپاٹھی، اور شیوسینا ایم پی ملند دیورا شامل ہیں۔

ڈی ایم کے کی رکن پارلیمنٹ کنی موزی چھٹے گروپ کی قیادت کریں گی۔ اشوک کمار متل، کیپٹن برجیش چھوٹا، ایم پی میاں الطاف احمد، اور ایس پی ایم پی راجیو رائے ان میں شامل ہیں۔ یہ وفد روس، سلووینیا، لٹویا، یونان اور اسپین کا دورہ کرے گا۔

رکن پارلیمنٹ سپریا سولے کی قیادت میں ساتواں گروپ جنوبی افریقہ، ایتھوپیا، قطر اور مصر جائے گا۔ کانگریس کے ایم ایل اے منیش تیواری، انوراگ ٹھاکر، اور آنند شرما، بی جے پی ایم پی راجیو پرتاپ روڈی اور آپ ایم پی وکرم جیت سنگھ کے ساتھ گروپ میں شامل ہوں گے۔