آل انڈیا مجلس اتحاد المسلمین کے سنتوش نگر کارپوریٹر محمد مظفر حسین کا انتقال. جماعت اور مقامی عوام میں صدمے کی لہر ،

حیدرآباد، 5 جون (الہلال میڈیا) آل انڈیا مجلس اتحاد المسلمین (اے آئی ایم آئی ایم) کے کارپوریٹر جناب محمد مظفر حسین جو حیدرآباد میں سنتوش نگر ڈویژن کی نمائندگی کررہے ہیں، بدھ 4 جون کی رات دیر گئے انتقال کرگئے۔ ان کی عمر 55 برس تھی۔

قبل ازیں دن میں جناب مظفر حسین نے گریٹر حیدرآباد میونسپل کارپوریشن (GHMC) کی جنرل باڈی میٹنگ میں شرکت کی تھی۔ مبینہ طور پر اس رات کے بعد انہیں اچانک دل کا دورہ پڑا، جس کے نتیجے میں ان کا بے وقت انتقال ہوگیا۔

ان کے انتقال کی خبر نے مجلس جماعت اور مقامی کمیونٹی میں صدمے کی لہر دوڑادی۔ اے آئی ایم آئی ایم کے صدر اور حیدرآباد کے رکن پارلیمنٹ بیرسٹر اسد الدین اویسی نے گہرے دکھ کا اظہار کیا اور سوگوار خاندان سے دلی تعزیت کا اظہار کیا۔ جناب اکبر الدین اویسی صاحب نے بھی ان کے اہل خانہ سے ہمدردی اور تعزیت پیش کرنے کے لیے ان سے ملاقات کی۔

اے آئی ایم آئی ایم کے کئی ایم ایل ایز، کارپوریٹر، سابق کارپوریٹرس، پارٹی قائدین اور کارکنان مرحوم کارپوریٹر کی رہائش گاہ پر جمع ہوئے اور غمزدہ خاندان کو خراج عقیدت پیش کیا۔نماز جنازہ جمعرات کو بعد نماز ظہر مسجد معراج، چنچل گوڑہ میں ادا کی جائے گی۔ ظہر نماز سوا ایک بجے مقرر ہے، تدفین سلطان دائرہ، چنچل گوڑہ میںعمل میں آئے گی۔