Skip to content
ایران کے سپریم لیڈر خامنہ ای نے اپنے جانشینوں کی فہرست بنا دی، بیٹے کا نام شامل نہیں۔
نئی دہلی۔22جون(ایجنسیز)
ایران کے سپریم لیڈر علی خامنہ ای نے اپنے جانشین کا انتخاب کر لیا ہے۔ یہ دعویٰ نیویارک ٹائمز کی ایک رپورٹ میں کیا گیا ہے۔ اس کے مطابق علی خامنہ ای نے اپنے جانشین کے لیے تین افراد کے نام تجویز کیے ہیں۔
رپورٹ میں یہ بھی کہا گیا ہے کہ علی خامنہ ای کے بیٹے مجتبیٰ ان تین افراد میں شامل نہیں ہیں۔ خامنہ ای اسرائیلی حملوں کے درمیان بنکر میں چھپے ہوئے ہیں۔ امریکی صدر ڈونلڈ ٹرمپ نے چند روز قبل کہا تھا کہ وہ جانتے ہیں کہ خامنہ ای کہاں چھپے ہوئے ہیں لیکن اب وہ انہیں قتل نہیں کریں گے۔
اب تک یہ خیال کیا جاتا تھا کہ خامنہ ای کا بیٹا ان کا جانشین ہوگا۔ لیکن تین نئے نام سامنے آنے کے بعد یہ قیاس آرائیاں ختم ہو گئی ہیں۔ تاہم ان تینوں افراد کے نام عام نہیں کیے گئے ہیں۔ یہ ممکنہ طور پر سیکورٹی وجوہات کی بناء پر کیا گیا ہے۔
Like this:
Like Loading...
