’ووٹ چوری پر الیکشن کمیشن کو جواب دینا چاہیے‘،
راہل گاندھی کے انکشافات پر اراکین پارلیمنٹ کا رد عمل

نیو دہلی،6اگسٹ( ایجنسیز)

لوک سبھا میں اپوزیشن کے رہنما راہول گاندھی نے کہا ہے کہ وہ ’’ووٹ چوری‘‘ کو برداشت نہیں کریں گے۔ انہوں نے واضح کیا کہ 7 اگست کی نیوز کانفرنس اور 8 اگست کو کرناٹک میں’’ووٹ ادھیکار ریلی‘‘ کے دوران ووٹ چوری کرنے والے عہدیداروں کو کسی بھی طرح بخشا نہیں جائے گا۔

مزید برآں، انہوں نے کہا:نریندر مودی نے وزیر اعظم بننے کے لیے ووٹ چرایا۔ ہم ثبوت فراہم کریں گے، اس لیے الیکشن کمیشن فراہم کرے۔ راہول گاندھی کے انکشافات اور’’ووٹ چوری‘‘ کے الزامات کے جواب میں پارٹی کے متعدد اراکین نے الیکشن کمیشن سے ان کے استفسارات کے جوابات دینے کا مطالبہ کیا ہے۔ آئیے ’’ووٹ چوری‘‘ کے بارے میں کانگریس کے اراکین پارلیمنٹ کی رائے جاننے کی کوشش کرتے ہیں۔

راہل گاندھی جی نے ووٹ چوری کے پختہ ثبوت دیے ہیں۔ الیکشن کمیشن ان ثبوتوں کو لے، جانچ کرے اور ملک کو بتائے یہ کیا ہو رہا ہے۔ یہ حکومت ووٹ چوری اور ایس آئی آر پر بحث کی ہمت نہیں جمع کر پا رہی ہے، ایوان نہیں چلا پا رہی ہے۔ یہ ایک کمزور حکومت ہے۔