Skip to content
ٹیم انڈیا کا نیا بالنگ کوچ،ظہیر خان ہوں گے یا بالاجی کی ہوگی ذمہ داری
ممبئی، ۱۱؍جولائی ( آئی این ایس انڈیا)
ہندوستانی کرکٹ ٹیم کو گوتم گمبھیر کی شکل میں نیا ہیڈ کوچ مل گیا ہے۔ اب ٹیم انڈیا کے بالنگ کوچ کی تلاش تیز ہوگئی ہے۔ بی سی سی آئی بھی ہندوستانی کرکٹ ٹیم کے لیے نئے بالنگ کی تلاش میں ہے۔بی سی سی آئی کی نظر میں ٹیم انڈیا کا بالنگ کوچ بننے کے لیے سابق ہندوستانی تیز گیند باز ظہیر خان اور لکشمی پتی بالاجی کے نام شامل ہے۔ اے این آئی کی رپورٹ پر یقین کیا جائے تو بی سی سی آئی ان دونوں کے ناموں پر غور کر رہا ہے۔
ہندوستانی ٹیم کے سابق کوچ راہل ڈریوڈ کی ہندوستان کے ہیڈ کوچ کی مدت 30 جون کو ختم ہوگئی۔ اس کے بعد گزشتہ منگل کو گوتم گبھیر کو ٹیم انڈیا کا کوچ مقرر کیا گیا ہے۔وہ ٹیم کے ہیڈ کوچ بن گئے ہیں۔ گمبھیر 27 جولائی سے سری لنکا کیخلاف سیریز سے ٹیم انڈیا کی کمان سنبھالیں گے۔ اب ظہیر خان یا لکشمی پتی بالاجی گمبھیر کو باؤلنگ کوچ کے طور پر سپورٹ کر سکتے ہیں۔
ان دونوں میں سے کسی ایک کو بولنگ کوچ بنایا جا سکتا ہے۔ میڈیا رپورٹس پر یقین کیا جائے تو ظہیر خان اس دوڑ میں بہت آگے دکھائی دے رہے ہیں۔ اگر وہ ٹیم کے بولنگ کوچ بنتے ہیں تو وہ ٹیم میں پارس مہامبرے کی جگہ لے سکتے ہیں۔ جو راہل ڈریوڈ کی قیادت میں ٹیم انڈیا کے بولنگ کوچ ہیں۔
Like this:
Like Loading...
