ممبئی کی پہلی زیر زمین میٹرو لائن 24 جولائی سے ہوگی شروع
ممبئی ، 17جولائی (آئی این ایس انڈیا )
بھارتیہ جنتا پارٹی کے جنرل سکریٹری ونود تاوڑے نے ایکس پر ایک پوسٹ میں کہا کہ عروس البلاد ممبئی 24 جولائی کو اپنی پہلی زیر زمین میٹرو (ایکوا لائن) حاصل کرنے والی ہے۔ بی جے پی لیڈر تاوڑے نے سوشل میڈیا ایکس پر ایک پوسٹ میں کہاکہ وزیر اعظم جی نے ممبئی والوں کی زندگی آسان بنانے کی ضمانت دی تھی اور وہ پوری ہونے والی ہے۔ 24 جولائی کو ممبئی کی پہلی زیر زمین میٹرو (ایکوا لائن)، جس سے شہر کی رفتار کو ایک نیا حوصلہ ملے گا۔یہ نئی میٹرو لائن 33.5 کلومیٹر کا فاصلہ طے کرے گی۔ ممبئی کی پہلی زیر زمین میٹرو لائن کولابا، باندرا سے گزرے گی۔
آرے کالونی سے کف پریڈ تک 27 اسٹاپوں کے ساتھ 33.5 کلومیٹر کے راستے کا احاطہ کرتے ہوئے، یہ شہری نقل و حمل کو تبدیل کرے گا، ممبئی کی سڑکوں پر سفر کو آسان بنائے گی اور ٹریفک کی بھیڑ کو کم کرے گا۔خیا ل رہے کہ اس سال جون کے آخری ہفتے میں مہاراشٹر حکومت نے ممبئی میٹرو 3 پروجیکٹ کو دسمبر 2024 کے آخر تک مکمل کرنے کا فیصلہ کیا تھا۔ ممبئی میٹرو 3 کا پہلا مرحلہ (سانتا کروز الیکٹرانکس ایکسپورٹ پروسیسنگ زون) اور باندرہ کرلا کمپلیکس کے درمیان چلے گا۔
یہ منصوبہ دسمبر 2024 کے آخر تک مکمل ہو جائے گا جسے ابتدائی طور پر ستمبر 2024 تک مکمل ہونا تھا۔ کابینہ کی میٹنگ کے دوران، مہاراشٹر کے وزیر اعلی ایکناتھ شندے نے پروجیکٹ کی تکمیل کے لیے ممبئی میٹرو پولیٹن ریجن ڈیولپمنٹ اتھارٹی (ایم ایم آر ڈی اے) کے بجائے ریاستی حکومت کا 1,163 کروڑ روپے کا حصہ براہ راست ممبئی میٹرو ریل کارپوریشن کو دینے کی منظوری دی۔
