رحمانی30 نے سی اے انٹرمیڈیٹ مئی 2024 امتحان میں تاریخی نتائج درج کیے

رحمانی 30 (پرس ریلیز 20 جولائی 2024)

رحمانی 30 اپنے طلباء کی "سی اے انٹرمیڈیٹ مئی 2024” امتحان میں بہترین کارکردگی کا اعلان کرتے ہوئے فخر محسوس کرتا ہے۔ گروپ 1 اور گروپ 2 دونوں امتحانات میں شرکت کرنے والے طلباء کے لیے %100(فیصد) کامیاب شرح کے ساتھ، رحمانی 30 نے معیاری تعلیم اور اعلیٰ کارکردگی میں ایک اور اعلی معیار قائم کیا ہے.

سی اے انٹرمیڈیٹ امتحان چارٹرڈ اکاؤنٹنٹ بننے کے خواہشمند طلباء کے لیے ایک اہم مرحلہ ہے، جو اکاؤنٹنگ، ٹیکسیشن اور آڈٹنگ میں بنیادی تعلم کو اعلیٰ مہارت کے ساتھ جوڑتا ہے۔ اس میں ایک چیلنجنگ نصاب شامل ہے جو ذہنی وفکری صلاحیت اور ورک ایکسپیرینس دونوں کا جائزہ لیتا ہے، یہ انسٹی ٹیوٹ آف چارٹرڈ اکاؤنٹنٹس آف انڈیا (ICAI) کے سخت معیارات کو ظاہر کرتا ہے۔

چارٹرڈ اکاؤنٹنسی ایک معزز کیریر آپشن ہے، جس میں فارچون 500 کمپنیوں کو مشورہ دینے سے لے کر اپنی خود کی پریکٹس شروع کرنے جیسے مختلف مواقع شامل ہیں۔ کسی بھی سی اے کو اعلیٰ ابتدائی تنخواہیں (7-6 لاکھ روپے) اور نمایاں ترقی کی امکانات (25-20 لاکھ روپے) تک ملتی ہیں، یہ کیریئر تکنیکی مہارت کے ساتھ مالی طاقت کو جوڑتا ہے، جس سے وہ اعلیٰ معیار والے مشیر بن جاتے ہیں جو پیچیدہ مسائل کو حل کر سکتے ہیں اور حقیقی تبدیلی لا سکتے ہیں۔ ICAI خواتین پروفیشنلز کو WMED اور WYMEC جیسے اقدامات کے ذریعے تعاون فراہم کرتا ہے، جو آسان پلیسمنٹ اور کاروباری مقاصد کو فروغ دیتا ہے، جس سے سی اے خواتین کے لیے بھی ایک پرکشش کیریئر آپشن بن جاتا ہے۔

جہاں ملکی پیمانہ پر کامیابی کی اوسط شرح گروپ 1 کے لیے تقریباً % 27 (فیصد) اور گروپ 2 کے لیے %18 (فیصد) ہے، وہیں رحمانی30 کے طلباء نے %80 (فیصد) گروپ 1، %30 (فیصد) گروپ 2 اور دونوں گروپ میں امتحان دینے والوں کے لیے %100 (فیصد) کامیابی شرح کے ساتھ غیر معمولی تعلیمی کارکردگی کا مظاہرہ کیا ہے۔ یہ قابل ذکر کامیابی ملکی اوسط سے کافی آگے ہے اور رحمانی 30 کےتعلیم و تربیت اور تعاون کے نظام کو ظاہر کرتی ہے۔

حضرت امیر شریعت مولانا احمد ولی فیصل رحمانی صاحب نے طلباء، رحمانی30 کی ٹیم اور اسٹیک ہولڈرز کو مبارکباد دی۔ اور انہوں نے اکاؤنٹ کے پروگراموں میں کمیونٹی کی شمولیت کی اہمیت پر زور دیا، جس میں اتنی ہی دلچسپی ہونی چاہیے جتنی انجینئرنگ اور میڈیکل شعبوں میں ہوتی ہے۔ انہوں نے یہ بھی کہا کہ رحمانی30 نے شاندار نتائج حاصل کیے ہیں، لیکن رحمانی30 کو طلباء کی تعداد بڑھانے کے لیے محنت جاری رکھنی چاہیے۔ حضرت امیر شریعت نے یاد دلایا کہ ان کے والد حضرت مولانا محمد ولی رحمانی صاحب رحمۃ اللہ علیہ، جو رحمانی30 کے بانی ہیں، ہمیشہ تجارت کے پروگراموں جیسے سی اے/سی ایس/سی ایم اے اور لاء پروگرام خاص طور پر سی ایل اے ٹی کی طرف رجحان رکھتے تھے۔