فائرنگ کیس:لارنس بشنوئی مجھے مارنا چاہتے تھے۔ سلمان خان

ممبئی،24جولائی ( آئی این ایس انڈیا)

بالی ووڈ سپر اسٹار سلمان خان کے ممبئی کے گھر گلیکسی اپارٹمنٹس میں 14 اپریل کی صبح فائرنگ ہوئی تھی۔ معاملے کو اپنے ہاتھ میں لے کر مکمل تفتیش شروع کر دی۔ لارنس بشنوئی نے کئی سال قبل سلمان خان کو جان سے مارنے کی دھمکی دی تھی۔ سلمان خان کے گھر موٹر سائیکل پر آنے والے ملزمان نے اندھا دھند فائرنگ کی اور پھر فرار ہوگئے۔

ممبئی پولیس نے تمام کوششوں سے ملزم کو گرفتار کیا تھا۔ اس معاملے میں سلمان خان کا بیان بھی ریکارڈ کیا گیا ہے۔میڈیا رپورٹس کے مطابق کرائم برانچ نے سلمان خان کے گھر پر فائرنگ کے معاملے میں چارج شیٹ داخل کر دی ہے۔ اس میں سلمان خان کے بیانات کو بھی شامل کیا گیا ہے۔ اس چارج شیٹ میں کہا گیا کہ میں نے پٹاخوں جیسی آواز سنی۔ اس کے بعد صبح تقریباً 4.55 بجے، پولیس محافظ نے بتایا کہ موٹر سائیکل پر سوار دو لوگوں نے گلیکسی اپارٹمنٹ کی پہلی منزل کی بالکونی میں فائرنگ کی تھی۔

اس سے پہلے بھی وہ مجھے اور میرے خاندان کو نقصان پہنچانے کی کوشش کر چکا ہے۔ مجھے معلوم ہوا ہے کہ لارنس بشنوئی نے سوشل میڈیا کے ذریعے حملے کی ذمہ داری قبول کی ہے۔ اس لیے مجھے یقین ہے کہ لارنس بشنوئی گینگ کے لوگوں نے میری بالکونی پر فائرنگ کی تھی۔سلمان خان نے مزید کہا کہ انہیں معلوم ہوا کہ لارنس بشنوئی اور ان کے بھائی انمول بشنوئی نے فیس بک پوسٹ کے ذریعے حملے کی ذمہ داری قبول کی تھی۔ اس سے پہلے بھی لارنس بشنوئی اور اس کے گینگ کے افراد نے ایک انٹرویو میں مجھے اور میرے خاندان کو قتل کرنے کی بات کی تھی۔

اداکار کا کہنا تھا کہ فائرنگ کا واقعہ اس وقت پیش آیا جب میرے گھر والے اندر سو رہے تھے۔ انہوں نے مجھے اور میرے خاندان کو قتل کرنے کا منصوبہ بنایا تھا۔ اس وجہ سے یہ فائرنگ کی گئی۔4 جون کو ممبئی کرائم برانچ نے سلمان خان اور ان کے بھائی ارباز خان کا بیان ریکارڈ کیا تھا۔ ایک افسر نے بتایا کہ سلمان خان کا بیان چار گھنٹے تک ریکارڈ کیا گیا۔ ساتھ ہی ارباز خان کا تقریباً 2 گھنٹے تک بیان ریکارڈ کیا گیا۔ سلمان خان نے نہ صرف فائرنگ کے دن کے بارے میں بتایا بلکہ اس سے قبل ملنے والی دھمکیوں کا بھی ذکر کیا۔ سلمان خان نے اپنے بیان میں کہا کہ سال 2022 میں ان کے والد سلیم خان کو ان کے اپارٹمنٹ کی عمارت کے سامنے ایک بینچ پر انہیں اور ان کے اہل خانہ کو دھمکی آمیز خط ملا تھا۔

اس کے بعد مارچ 2023 میں میری آفیشل ای میل پر میری ٹیم کے ایک ملازم کی طرف سے ایک ای میل آئی جس میں مجھے اور میرے خاندان کو لارنس بشنوئی کی طرف سے دھمکیاں دی گئیں۔ اس سلسلے میں میری ٹیم کے رکن نے فوری طور پر باندرہ پولیس اسٹیشن میں مقدمہ درج کرایا۔ اس نے مزید بتایا کہ اس سال جنوری میں دو لوگوں نے فرضی نام اور شناخت کا استعمال کرتے ہوئے پنول میں واقع اس کے فارم ہاؤس میں داخل ہونے کی کوشش کی تھی۔ اس معاملے میں مقدمہ بھی درج کیا گیا تھا۔ انہوں نے کہا کہ انہوں نے اپنے خاندان کے افراد اور رشتہ داروں کو ہمیشہ چوکنا رہنے کو کہا ہے۔