ہندوستان کے بجٹ میں مالدیپ کے لئے بھی مالی مدد کا اعلان

نئی دہلی،24جولائی ( آئی این ایس انڈیا)

مودی حکومت نے مالدیپ کے لیے بھی بڑے بجٹ کا اعلان کیا ہے۔ چین کے کہنے پر محمد معیزو نے ہندوستان کے ساتھ کچھ دغا کیا، اس کے باوجود حکومت ہند نے مالدیپ کے لیے 400 کروڑ روپے کے بجٹ کا اعلان کیا ہے۔ سب سے بڑی بات یہ ہے کہ گزشتہ سال کے مقابلے مالدیپ کے بجٹ میں کوئی کٹوتی نہیں کی گئی جب کہ بھوٹان کے بجٹ میں کچھ کمی کی گئی۔ اس سال حکومت نے بھوٹان کے لیے 2,068 کروڑ روپے مختص کیے ہیں جو کہ گزشتہ مالی سال میں 2,400 کروڑ روپے تھے۔بنگلہ دیش کو بھی موجودہ عام بجٹ میں 120 کروڑ روپے مختص کیے گئے ہیں جو پہلے 200 کروڑ روپے تھے۔ وزیر خزانہ نرملا سیتا رمن نے بھی ماریشس کے لیے مدد کا بڑا اعلان کیا۔

اس کے لیے 370 کروڑ روپے مختص کیے گئے تھے۔ حالانکہ پچھلے مالی سال میں یہ 400 کروڑ روپے تھا۔ اس سال میانمار کا بجٹ بھی 400 کروڑ روپے سے کم ہو کر 250 کروڑ روپے کر دیا گیا ہے۔ مالدیپ کے بجٹ میں کوئی تبدیلی نہیں کی گئی۔ اس سال بھی مالدیپ کے لیے 400 کروڑ روپے مختص کیے گئے ہیں۔ایران کی چابہار بندرگاہ کے لیے بجٹ میں 100 کروڑ روپے کی منظوری بھی دی گئی ہے۔ تاہم اس بار مودی حکومت نے نیپال اور سری لنکا کے لیے بجٹ مختص میں اضافہ کیا ہے۔ مالی سال 2024-25 میں نیپال کو امداد کے طور پر 700 کروڑ روپے مختص کیے، جو پہلے 550 کروڑ روپے تھے۔

اس سال سری لنکا کے لیے 245 کروڑ روپے مختص کیے گئے تھے جب کہ پچھلے سال یہ رقم 150 کروڑ روپے تھی۔ مالدیپ اور ہندوستان کے تعلقات میں اس وقت تناؤ ہے۔ چین بھی اس کا فائدہ اٹھا رہا ہے۔چین کے کہنے پر مالدیپ کے صدر محمد معزیو نے ہندوستان کیخلاف سخت رویہ اپنایا۔ ہندوستان اور مالدیپ کے درمیان سفارتی تعلقات اس سال جنوری میں مزید کشیدہ ہوگئے تھے۔ درحقیقت مالدیپ کے کچھ ممبران پارلیمنٹ نے پی ایم مودی کے لکش دیپ کے دورے کے دوران مودی کے خلاف بیانات دیئے تھے۔ جس کے بعد مالدیپ کی سیاست میں بھونچال آگیا تھا۔