بیٹے پر دوسو روپے چوری کرنے کا الزام، باپ کا پیٹ پیٹ کر قتل

بردوان؍کلٹی، 2 اگست (آئی این ایس انڈیا )

مغربی بنگال کے بردوان میں کلٹی میں ایک دکان سے 200 روپے چوری کرنے پر اپنے نوعمر بیٹے کو بچانے کی کوشش میں ایک شخص کو مبینہ طور پر پیٹ پیٹ کر ہلاک کر دیا گیا۔ پولیس نے اس سلسلے میں ایک شخص کو گرفتار کیا ہے۔کلٹی کے لاچی پور وگنی پلی میں پیش آیا۔متوفی کی شناخت کرشنا گوسوامی کے طور پر کی گئی ہے۔ گوسوامی کا بیٹا ایک دکان پر چاول خریدنے گیا تھا، لیکن جب دکان کے مالک اتم نے اسے بتایا کہ اس نے 200 روپے چوری کر لیے ہیں۔

اس کے بعد لڑکے نے بھاگنے کی کوشش کی؛ لیکن لوگوں نے اسے پکڑ کر مارنا شروع کردیا۔ جب گوسوامی کو اس واقعہ کا علم ہوا تو وہ اپنے بیٹے کو مار پیٹ سے بچانے کے لیے موقع پر پہنچ گئے۔جیسے ہی اہل علاقہ نے گوسوامی کو دیکھا، انہوں نے لڑکے کو چھوڑ دیا اور اسے بے رحمی سے مارنا شروع کردیا۔ ذرائع کے مطابق گوسوامی پر بھی چاقو سے حملہ کیا گیا جس کی وجہ سے وہ بے ہوش ہوگئے۔ اسے زمین پر گرتا دیکھ کر مقامی لوگ خوف کے مارے بھاگ کھڑے ہوئے۔

اس کے بعد کلٹی تھانے کے نیامت پور چوکی سے پولیس کی ایک ٹیم موقع پر پہنچی اور گوسوامی کو آسنسول ضلع اسپتال لے گئی۔یہاں ڈاکٹروں نے جانچ کے بعد اسے مردہ قرار دے دیا۔ پولیس نے بتایا کہ سبھاش کرماکر نامی شخص کو گرفتار کیا گیا ہے۔ ملزم نے دوران تفتیش واردات میں ملوث ہونے کا اعتراف کیا ہے۔ باقی ملزمان کی تلاش جاری ہے۔