19 کلو کرسٹل اور ہیروئن اسمگل کرنے کی کوشش ناکام

ریاض، 6اگست ( آئی این ایس انڈیا )

محکمہ زکاۃ، ٹیکس اور کسٹم نے کہا ہے کہ البطحا اور الودیعہ سرحدی چیک پوسٹ کے اہلکاروں نے 19 کلو کرسٹل اور ہیروئن سمگل کرنے کی کوشش ناکام بنادی ہے۔سبق ویب سائٹ کے مطابق بیرون ملک سے آنے والی گاڑی اور ٹرک کے خفیہ خانوں میں منشیات چھپائی گئی تھی۔محکمہ کسٹم نے کہا ہے کہ’الودیعہ سرحدی چیک پوسٹ کے اہلکاروں نے بیرون ملک سے آنے والی گاڑی کے خفیہ خانے سے 8.5 کلو کرسٹل ضبط کی ہے۔جبکہ بطحا چیک کے پوسٹ کے اہلکاروں نے بیرون ملک سے آنے والے ٹرک سے 10.3 کلو کرسٹل اور23 گرام ہیروئن ضبط کی ہے۔