یونیورسٹی میں آر ایس ایس کی تقریب کا انعقاد، کانگریس کی سخت تنقید

بنگلورو، 6اگست ( آئی این ایس انڈیا )

ریاست کے کرناٹک کے گلبرگہ میں واقع ایک یونیورسٹی میں راشٹریہ سویم سیوک سنگھ کا پروگران منعقد کیا گیا جس میں فیکلٹی ممبران و اسٹوڈنٹس کو آر ایس ایس کا مخصوص گیت کو گاتے دیکھا گیا جس سے ایک تنازعہ کھڑا ہوا ہے۔کانگریس لیڑر و کابینہ وزیر پریانک کھرگے نے سینٹرل یونیورسٹی میں آر ایس ایس کے پروگرام کی سخت مذمت کی۔ریاستی وزیر نے کہا کہ معیاری تعلیم فراہم کرنے کے بجائے سنٹرل یونیورسٹی آر ایس ایس کی تنظیم میں تبدیل ہو چکی ہے۔

اس کو روکنے کی سخت ضرورت ہے۔اس سلسلے میں بی جے پی کے مقامی رہنما مزمل بابو نے سنٹرل یونیورسٹی میں منعقد کردہ آر ایس ایس کے پروگرام کا دفاع کیا۔انہوں نے کہا کہ اجازت لے کر کہیں بھی پروگرام منعقد کیا جاسکتا ہے۔ویلفیئر پارٹی کے ریاستی صدر ایڈووکیٹ طاہر حسین نے پریانک کھرگے کے مذمتی بیان بازی پر سوال اٹھاتے ہوئے کانگریس کی قیادت والی ریاستی حکومت نے سینٹرل یونیورسٹی کے اہلکاروں پر کوئی ایکشن کیوں نہیں لہا گیا۔

سماجی کارکن تنویر احمد نے سوال اٹھایا کہ حکومت نفرت کی سیاست کو اجڑ سے اکھاڑ پھینکنے کے لئے اقدامات کیوں اٹھا رہی ہے؟۔دوسری طرف ریاستی وزیر پریانک نے کہا کہ گزشتہ 10 برسوں کے دوران سرکاری اداروں میں آر ایس ایس کے پرچارکوں کی دراندازی بڑے پیمانے پر ہوئی ہے جس کی وجہ سے حکومتی نظام کو نقصان پہنچا ہے۔