خاتون ڈاکٹر جنسی زیادتی قتل معاملہ:
کلکتہ ہائی کورٹ نے تحقیقات سی بی آئی کو سونپنے کادیا حکم

کولکاتا ،13اگست ( آئی این ایس انڈیا)

کلکتہ ہائی کورٹ نے مغربی بنگال کے آر جی کار میڈیکل اسپتال کے ٹرینی ڈاکٹر کی جنسی زیادتی اور قتل کے معاملے کی سی بی آئی تحقیقات کا حکم دیا ہے۔ عدالت نے اس کیس سے متعلق تمام دستاویزات سی بی آئی کو سونپنے کا حکم دیا ہے۔عدالت کے حکم کے بعد دھرنے پر بیٹھے ڈاکٹروں نے خوشی کا اظہار کیا ہے۔کلکتہ ہائی کورٹ کی طرف سے کولکاتا کے آر جی کار میڈیکل کالج اور ہسپتال جنسی زیادتی -قتل کیس میں کیس سی بی آئی کو سونپنے کے حکم کے بعد احتجاج کرنے والے ڈاکٹروں نے اس فیصلے پر خوشی کا اظہار کیا ہے۔

کولکاتا میں احتجاج کرنے والے ایک ڈاکٹر نے کہا کہ ہمیں بہت خوشی اور راحت ملی ہے کہ کیس سی بی آئی کو سونپ دیا گیا ہے۔اب جلد ہی ملزمان کو گرفتار کر لیا جائے گا۔اس حکم کے علاوہ کلکتہ ہائی کورٹ نے میڈیکل کالج کے سابق پرنسپل ڈاکٹر سندیپ گھوش کو چھٹی کی درخواست دینے کی ہدایت دی ہے۔ اس کی وجہ یہ ہے کہ انہوں نے خود آر جی بننے کے بعد میڈیکل کالج سے استعفیٰ دے دیا تھا، لیکن انہیں کسی اور کالج کا پرنسپل بنا دیا گیا تھا۔ اس کے بارے میں کلکتہ ہائی کورٹ نے سوال کیا کہ اگر انہوں نے ایک کالج سے استعفیٰ دیا تھا تو پھر انہیں دوسرے کالج میں کیوں تعینات کیا گیا؟