پاسپورٹ سیوا پورٹل ڈاون ہوگیا، 5 دنوں تک نئی درخواستیں قبول نہیں کی جائیں گی

نئی دہلی، 29اگست ( آئی این ایس انڈیا )

حکومت نے کہا ہے پاسپورٹ کی درخواستوں کی ویب سائٹ ’پاسپورٹ سیوا پورٹل‘ کو دیکھ بھال کی مشق کے لیے اگلے پانچ دنوں کے لیے بند کر دیا جائے گا۔ اس مدت کے دوران کوئی نئی اپائنٹمنٹس طے نہیں کی جاسکتی ہیں اور پہلے بک شدہ ائائنٹمنٹس کو ری شیڈول کیا جائے گا۔ پاسپورٹ سیوا پورٹل تکنیکی دیکھ بھال کے لیے 29 اگست 2024، جمعرات 20:00 بجے IST سے 2 ستمبر، پیر 06:00 بجے IST تک مسدود رہے گا۔

اس مدت کے دوران یہ نظام تمام MEA/RPO/BOI پر شہریوں کے لیے دستیاب نہیں ہوگا۔ وہیں 30 اگست 2024 کیلئے پہلے سے بک کی گئی اپائنٹمنٹس کو مناسب طریقہ سے دوبارہ ترتیب دیا جائے گا اور درخواست دہندگان کو مطلع کیا جائے گا۔وزارت خارجہ نے کہا کہ یہ ایک معمول کا طریقہ کار ہے۔ اپوائنٹمنٹس کو دوبارہ ترتیب دینے کے لیے، ہمارے پاس ہمیشہ ہنگامی منصوبہ ہوتا ہے۔

پاسپورٹ سیوا کیندر کیلئے دیکھ بھال کی سرگرمی سے متعلق منصوبہ پہلے سے تیار کیا جاتا ہے تاکہ عوام کو کسی تکلیف بے بچایا جاسکے۔ پاسپورٹ سیوا پورٹل کا استعمال نئے پاسپورٹ کے لیے درخواست دینے یا پاسپورٹ کی تجدید کے لیے ملک بھر کے مراکز پر اپائنٹمنٹ بک کرنے کے لیے کیا جاتا ہے۔