گرلس ہاسٹل کے واش روم میں خفیہ کیمرہ، پولس کی کاروائی

حیدرآباد، 30اگست ( آئی این ایس انڈیا )

آندھرا پردیش کے ضلع کرشنا میں ایک انجینئرنگ کالج کے خواتین کے ہاسٹل میں خفیہ کیمرے نصب کرنے کی خبر پر ہنگامہ ہے۔ یہ معاملہ ایس آر گڈلاوالرو انجینئرنگ کالج کا ہے۔ جہاں خواتین کے ہاسٹل کے واش روم میں انٹیلی جنس کیمرہ نصب پایا گیا۔ طالبات کی ہنگامہ آرائی کے بعد پولس نے بوائز ہاسٹل سے طالب علم وجے کو حراست میں لے لیا ہے۔اب پولیس اس معاملے میں مزید تفتیش کر رہی ہے۔ ساتھ ہی طالبات بھی واش روم استعمال کرنے سے خوفزدہ ہیں۔ معلومات کے مطابق خواتین کے ہاسٹل کے واش روم کی 300 سے زائد تصاویر گرفتار طالب علم سے کسی نے خریدی تھیں۔

جس کے بعد پولیس نے گرفتار طالب علم کا لیپ ٹاپ بھی ضبط کر لیا ہے۔ کل شام سات بجے شروع ہونے والا احتجاج آج صبح تین بجے تک جاری رہا۔ طلبہ کا کہنا تھا کہ ہمیں انصاف چاہیے، اب وہ بیت الخلا جانے سے ڈرتے ہیں۔گرلز ہاسٹل کے بیت الخلا کی 300 سے زائد تصاویر منظر عام پر آگئی ہیں۔ جمعرات کو آندھرا پردیش کے ضلع کرشنا کے ایس آر گڈلاویرو انجینئرنگ کالج میں گرلز ہاسٹل کے واش روم میں ایک خفیہ کیمرہ ملنے کے بعد زبردست احتجاج شروع ہوا۔

احتجاج کے دوران ہاسٹل میں موجود کئی طالبات کو ہم انصاف چاہتے ہیں جیسے نعرے لگاتے ہوئے دیکھا گیا، جس کے ساتھ انہوں نے ملزمان کے خلاف کارروائی اور کیمپس میں ان کی حفاظت کی یقین دہانی کا مطالبہ کیا۔آندھرا پردیش کے وزیر اعلی چندرابابو نائیڈو نے کرشنا ضلع کے گڈلاواللیرو انجینئرنگ کالج سے سامنے آنے والے واقعہ کی تحقیقات کا حکم دیا ہے۔ اس کے ساتھ ہی وزیر اعلیٰ نے ضلع کلکٹر کولو رویندر کے ساتھ ضلع کلکٹر اور ایس پی کو فوری طور پر موقع پر جانے کا حکم دیا۔