عام آدمی پارٹی کے ایم ایل اے امانت اللہ خان کے گھر پر ای ڈی کا چھاپہ
دہلی،2ستمبر( الہلال میڈیا)
ای ڈی نے دہلی کے اوکھلا سے عام آدمی پارٹی کے ایم ایل اے امانت اللہ خان کے گھر پر چھاپہ مارا ہے۔ یہ چھاپہ پیر کی صبح کیا گیا۔ ایم ایل اے امانت اللہ خان نے خود ایم ایل اے امانت اللہ خان کی بٹلہ رہائش گاہ پر کی گئی ای ڈی کی اس کارروائی کی معلومات سوشل میڈیا پلیٹ فارم X پر پوسٹ کی ہے۔ انہوں نے لکھا، ‘ای ڈی کے لوگ ابھی مجھے گرفتار کرنے میرے گھر پہنچے ہیں۔’ اس کے ساتھ انہوں نے ایک ویڈیو بھی شیئر کی ہے۔
امانت اللہ خان نے ای ڈی کے چھاپے پر ایک ویڈیو بھی شیئر کیا ہے۔ انہوں نے کہا، صبح کے 7 بجے ہیں اور ای ڈی والے مجھے گرفتار کرنے کے لیے سرچ وارنٹ کے نام پر میرے گھر آئے ہیں، میری ساس کو کینسر ہے، ان کا چار دن پہلے آپریشن ہوا تھا۔ ان کا مزید کہنا تھا کہ میں نے انہیں دیے گئے ہر نوٹس کا جواب دیا ہے۔ وہ مجھے چھاپے کے نام پر گرفتار کرنا چاہتے ہیں۔ اس پر پارٹی والوں کا کہنا ہے کہ یہ غنڈہ گردی ہے۔
