سات یورپی ممالک میں شدید بارش نے صد سالہ ریکارڈ منہدم ہوگیا
برسلز؍لندن،۱۶؍ستمبر ( آئی این ایس انڈیا )
نصف درجن سے زیادہ یورپی ممالک کو شدید متاثر کرنے والا سمندری طوفان ”بوریس” کے باعث بری طرح متاثر ہوئے ہیں۔ان سات ممالک میں شدید بارشوں کے نتیجے میں آنے والے سیلاب کے نتیجے میں کم از کم چار افراد ہلاک، ہزاروں گھروں کو نقصان پہنچا اور سینکڑوں افراد کو نقل مکانی کرنا پڑی۔ اس نے خطے میں موسمی حالات کو بہت متاثر کیا۔سمندری طوفان ’بوریس‘ کے وسطی یورپ سے گذرنے سے سلووینیا، جرمنی، رومانیہ، آسٹریا، پولینڈ، سلواکیہ اور جمہوریہ چیک میں افراتفری پھیل گئی۔رومانیہ میں چار افراد کی موت ہوئی جہاں بارشوں کے باعث سینکڑوں سیلاب زدہ علاقوں میں پھنسے ہوئے ہیں۔
سب سے زیادہ متاثرہ صوبوں میں امدادی خدمات شروع کی گئی ہیں،جہاں حکام نے خبردار کیا ہے کہ گذشتہ 24 گھنٹوں کے دوران 100 سالوں میں سب سے زیادہ بارشیں ریکارڈ کی ہیں۔رومانیہ کے وزیر داخلہ ’کاتا لین پریدیو‘ نے کہا کہ طوفان کے اثرات سات علاقوں میں زیادہ سنگین تھے۔ وہاں مداخلت کر کے 95 افراد کو بچانے کامیاب رہے مگر بدقسمتی سے 4 افراد اپنے گھروں یا صحن میں مردہ پائے گئے۔آسٹریا کے وائس چانسلر ورنر کگلر نے ’ایکس‘ پلیٹ فارم پرکہا کہ ملک میں سیلاب سے نمٹنے والے فائر بریگیڈ کا ایک رکن لوئر آسٹریا کی ریاست میں مارا گیا۔
جمہوریہ چیک اور ویانا کی سرحدوں کے قریب واقع اس علاقے کو آفت زدہ قرار دیا گیا۔پولینڈ سے رومانیہ تک کے ممالک میں پانی کی ندیاں بہہ گئیں، جہاں ہفتے کے روز 4 افراد مردہ پائے گئے۔جمہوریہ چیک اور پولینڈ کے علاقے تقریباً 30 سالوں میں بدترین سیلاب کا سامنا کر رہے ہیں۔جنوب مغربی پولینڈ میں آنے والے سیلاب نے حکام کو تقریباً 1,600 افراد کو محفوظ مقامات پر منتقل کیا کیونکہ کئی دنوں سے جاری موسلا دھار بارشوں کے باعث دریاؤں میں پانی کی بلند ترین سطح ریکارڈ کی گئی۔ کئی قصبوں میں سیلاب آیا اور ایک شخص ڈوب کر ہلاک ہوگیا۔
وزیر اعظم ڈونلڈ ٹسک نے اتوار کو کلودسکو قصبے میں کرائسس مینجمنٹ ٹیم کے ساتھ ایک میٹنگ کے بعد صحافیوں کو بتایا کہ صورتحال انتہائی افسوسناک ہے، اور یہ کلوڈسکو کے علاقے میں اور بھی زیادہ المناک ہے۔اس علاقے کی آبادی تقریباً 25,000 افراد پر مشتمل ہے۔ یہ قصبہ جزوی طور پر پانی میں ڈوبا ہوا ہے۔ وہاں سے بہنے والے دریا میں پانی کی سطح 1997 ء میں آنے والے بڑے سیلاب کی سطح سے زیادہ ہے۔ اس سیلاب میں۔ سنہ 1997ء میں پولینڈ میں آنے والے طوفان کے باعث 56 افراد لقمہ اجل بن گئے تھے۔
